O campus de Ourense acolle a mesa redonda Visibilización en positivo! Rachando o teito de cristal dende o deporte. A cita, organizada polo profesor do Departamento de Análise e Intervención Psicosocioeducativa Millán Brea coa colaboración da Unidade de Igualdade e a Asociación Universitaria de Ciencias da Educación AUCE, reunirá a seis deportistas internacionais de alto nivel e de diversas modalidades co obxectivo de valorizar o deporte feminino.