O Mosteiro de Poio acolle, entre o 10 e o 12 de xullo, o XV Symposium Internacional sobre o Prácticum e as Prácticas Externas, no que participan máis de 200 docentes e investigadores. Organizado pola Asociación para o Desenvolvemento do Prácticum e das Prácticas Externas: Rede de Prácticum (Reppe), coa participación das universidades de Vigo, Santiago, A Coruña, País Vasco, Valencia, Málaga e Ramón Llull de Barcelona, o simposio busca abordar tanto a situación actual como os retos de futuro das prácticas que desenvolve o alumnado universitario.