O 25 de maio, en horario de 09.50h a 14.30h, terá lugar o XXVIII Seminario de Loxística no salón de actos da Escola de Enxeñaría Industrial. Este evento ten como obxectivo ser un punto de encontro para todos aqueles profesionais relacionados coa área loxística, presentar as últimas tendencias nesta área e ofrecer experiencias prácticas da súa implantación, a través das intervencións de prestixiosos profesionais.
Nesta edición participan empresas como Coca Cola Europacific Partners, Selmark Lingerie ou Arnoia Distribución de Libros. Ademais, abordaranse temas innovadores como a aplicación da tecnoloxía blockchain á cadea de subministro. 

A asistencia ao seminario é de balde e a reserva de prazas realízase no seguinte enlace, onde se pode consultar o programa do evento: http://gio.uvigo.es/seminario-de-logistica-2022/