O grupo de investigación Óptica Física da Universidade de Vigo e o principal operador de telecomunicacións de Guinea Ecuatorial, Guinea Ecuatorial de Telecomunicaciones (Getesa), están a explorar vías de colaboración. A directora de formación da entidade, Mónica Angue Bivini, visitou o campus co obxectivo de coñecer as instalacións deste grupo e valorar co seu director, Humberto Michinel, catedrático de Óptica da Universidade de Vigo, posibilidades de cooperación no eido da formación, a investigación e o emprendemento tecnolóxico.
26/02/2020