Abono mUVer mensual

O abono mUVer é unha proposta da Área de Benestar, Saúde e Deporte para acceder ás instalacións dos tres campus e ás actividades dirixidas que se organizan ao longo do curso académico. O abono pode ser anual, cuadrimestral e tamén mensual.

Vantaxes do abono

• Deseño e seguimento individualizado do teu programa de exercicio físico por parte do persoal técnico da sala de fitness.
• Valoración antropométrica.
• Acceso gratuíto ás instalacións deportivas da UVigo nos tres campus durante o todo o seu horario de apertura: salas cardio-fitness, tenis de mesa, pistas de atletismo (Vigo e Ourense), pistas de tenis (Vigo e Ourense), muro de escalada (Vigo) e aluguer de bicicletas BTT (Vigo).
• Acceso gratuíto ás actividades dirixidas de fitness incluídas no abono.

Podes consultar os períodos e os horarios xerais de apertura nesta ligazón.

Consigue o teu abono mensual