Campaña de comunicación 2022

«Sempre UVigo» é o título da nosa campaña para este 2022, un slogan que nos lembra que o espazo universitario é un punto de encontro en calquera etapa das nosas vidas.

Nas pezas audiovisuais quixemos reflectir, por unha banda, a importancia do sentimento de pertenza máis alá da época do grao e, por outra, que, nos tres campus, somos o fogar de toda a comunidade da Universidade de Vigo.

Persoas de diferentes idades cursan a nosa oferta formativa e iso plásmase nos planos dos vídeos, interpretados novamente por estudantes de diferentes centros propios. A invitación a esa aprendizaxe continua, así como a sensación de cordialidade nese camiño, entroncan coa liña argumental dos anos precedentes nos que falabamos de «medrar contigo» ou de «vivir UVigo».

Trátase de levar a institución alá onde vaiamos e de volver cando queiramos para continuar ese crecemento persoal e para buscar actividades novas de actualización de contidos que nos enchan.

Aquí estamos para ti, para evolucionar e avanzar en novos retos.

Coñece a campaña #SEmpreUVigo nas redes sociais da Universidade de Vigo (Facebook, Twitter, LinkedIn ou Instagram)!

Vídeo

Ver toda a serie

Adaptacións

• Redes sociais (1080 x 1920)
• Redes sociais (1080 x 1080)
• Pantalla
• Web

Novas relacionadas

• Na súa nova campaña de comunicación a UVigo reivindícase como punto de encontro en calquera etapa da vida (10/6/2022)