Reserva de espazos institucionais para organizar eventos

A xestión dos espazos nas facultades e nas escolas tramitarase directamente coa dirección ou co decanato dos centros.

No caso de precisar a participación das persoas que integran o equipo de goberno, cómpre dirixirse por correo electrónico á Secretaría da Reitoría: sreitoria@uvigo.gal

 A utilización de espazos por parte de institucións, organizacións e persoas particulares alleos á Universidade de Vigo regularase conforme á Normativa de cesión de espazos aprobada polo Consello de Goberno do 19 de xuño de 2017.

A Xerencia autorizará o uso dos espazos coa conformidade previa da persoa responsable.

1. A autorización quedará condicionada a circunstancias sobrevidas ou a outras necesidades que puidesen producirse con posterioridade á mesma, motivo polo cal a universidade poderá revogar unilateralmente a autorización en calquera momento por razóns de interese público, sen xerar dereito a indemnización.
2. Elaborarase un orzamento estimativo que lle será remitido á persoa solicitante pola Xerencia ou quen esta designe, ao correo electrónico indicado na petición, e que terá que ser aceptado ou rexeitado pola mesma vía. A facturación posterior poderá sufrir algunha variación con respecto ao orzado en función dos servizos efectivamente prestados ou requiridos.
3. No caso de celebración de determinados actos públicos, poderase esixirlle ao peticionario/a que acredite a subscrición dun seguro de responsabilidade civil en previsión de que, durante o desenvolvemento daqueles, puidese producirse algún sinistro.
4. Con carácter previo ao uso do espazo, a Universidade de Vigo poderá esixirlle ao peticionario/a a constitución dunha fianza que garanta a reserva, o seu aboamento, os gastos adicionais e posibles danos que estime que o uso puidese ocasionar.
5. As cantidades orzadas pola utilización das instalacións, locais e/ou servizos, poderanse abonar con carácter previo ao uso, ou ben a posteriori, de acordo co que para cada caso determine a universidade. 

Normativa e formulario

 Ás empresas e ás institucións alleas á Universidade de Vigo que soliciten o uso dos devanditos espazos aplicaránselles as tarifas establecidas no orzamento de 2026 da institución académica de acordo coa súa respectiva capacidade. 

Os prezos incrementaranse co IVE correspondente e sufrirán un incremento do 25 % os días non lectivos.

• < 100 prazas
  Día completo: 226,00 euros
  Medio día: 147,00 euros
• > 100 e < 200 prazas
  Día completo: 283,00 euros
  Medio día: 184,00 euros
• > 200 prazas
  Día completo: 340,00 euros
  Medio día: 220,00 euros

Orzamento 2026