Vicerreitoría de Investigación

María Belén Rubio
Vicerreitora

É catedrática de Estratigrafía do Departamento de Xeociencias Mariñas e Ordenación do Territorio da Universidade de Vigo.
Profesora na Universidade de Vigo desde o ano 1991, impartiu docencia en grao, mestrado e doutoramento. Na actualidade, é coordinadora do mestrado universitario en Oceanografía e ten dirixido cinco teses de doutoramento e sete teses de licenciatura ou mestrado.

Como investigadora, con catro sexenios de investigación, pertence ao grupo de Xeoloxía Mariña e Ambiental, centrando o seu labor investigador no estudo da sedimentoloxía de ambientes costeiros e mariños profundos, con énfase na contaminación por metais, nos cambios diaxenéticos e na evolución paleoambiental e paleoclimática.
Publicou máis dun centenar de artigos científicos e participou en máis de 40 proxectos de investigación, en sete deles como investigadora principal.

No ámbito da xestión, foi secretaria de departamento durante máis de 12 anos, participou en comisións de avaliación de proxectos, de profesorado, de bolsas etc. Ten experiencia en organización de congresos, seminarios e xornadas, tendo participado na organización de oito congresos internacionais.

Organización

Daniel Rey García
Director do Campus do Mar + CIM
+34 986 813 597
dir.campusdomar@uvigo.es
Jorge Pérez Juste
Director do Centro de Apoio Científico-Tecnolóxico á Investigación (CACTI)
+34 986 612 132
dircacti@uvigo.es
Jorge Luis Bueno Alonso
Director do Servizo de Publicacións
+34 986 812 235
dirsep@uvigo.es
África González Fernández
Directora do Centro de Investigacións Biomédicas (CINBIO)
+34 986 130 140 / +34 986 130 141

José Manuel García Estévez
Director da Estación de Ciencias Mariñas de Toralla (ECIMAT)
+34 986 815 700
ecimat@uvigo.es
Yolanda Faro Chamadoira
Secretaría
+34 986 813 597
vicinv@uvigo.es
Ana Mª Bernabeu Tello
Directora da Área de Investigación
dir.inv@uvigo.es

Competencias

O deseño e a implantación de políticas que fomenten a investigación de excelencia e a súa difusión á sociedade.
A promoción, avaliación e recoñecemento das actividades de investigación.
As relacionadas coas diferentes convocatorias de axudas e de bolsas de investigación.
As relativas á Biblioteca Universitaria e ao Servizo de Publicacións.
As de realización de propostas de equipamento de centros de investigación e as de xestión e coordinación dos recursos de investigación en coordinación coa Vicerreitoría de Transferencia.
As correspondentes aos institutos universitarios, centros singulares e agrupacións estratéxicas de investigación en coordinación coa Vicerreitoría de Transferencia.
A proposta, a formalización e a contratación de proxectos de investigación, tanto no ámbito nacional como internacional, en coordinación coa Vicerreitoría de Transferencia.
As relacionadas coa planificación, a coordinación e a execución de políticas e accións relativas ao Campus do Mar, en coordinación coa Vicerreitoría de Transferencia e dentro do marco das políticas xerais que a universidade defina para os seus campus de especialización.
As referidas á convocatoria de bolsas propias no ámbito das competencias delegadas nos puntos anteriores e os seus procedementos derivados.