Chan da Lagoa, A Pedreira, A Xunqueira, A Cumieira.... está é so unha pequena escolma da riqueza toponímica do campus do Vigo, que ben se podería chamar Campus de Vilariño. A falta de recuperación e protección do nomes tradicionais en toda Galicia fixo que moitos deles estiveren a piques de perderse no esquecemento colectivo substituídos por termos artificiais ou inventados. A Vicerreitoría de Extensión Universitaria decidiu emendar erros do pasado e facer un estudo de recolleita e restauración do patrimonio toponímico do campus vigués da man de Iván Sestay, que xa elaborou entre outros o estudo dos nomes de lugar de Moaña e do barrio de Coia. A idea xorde, explica o vicerreitor Xosé Henrique Costas, porque é preciso poñer fin á teima de “neo-denominar con nomes ‘inventados’ realidades que teñen nome milenario de seu".
26/01/2012