A Escola Superior de Deseño Téxtil e Moda de Galicia (Esdemga) está de parabéns, xa que oito alumnas amosarán os seus deseños no Ego de Pasarela Cibeles, despois de que se deran a coñecer no desfile Debut 07, organizado pola escola o pasado mes de novembro para presentar a súa primeira promoción. A plataforma de novos deseñadores dependente de Cibeles, que se celebrará desde o próximo 31 de xaneiro ao 3 de febreiro, seleccionou a estas sete estudantes, seis delas recentemente tituladas, para mostrar os seus deseños na mesma. Segundo a directora de Esdemga, esta é unha moi boa oportunidade tanto para a escola como para as alumnas que “acaban de rematar os estudos e o efecto inmediato é que se lles abre a porta máis importante a nivel nacional para entrar ao mundo da moda”, comentou Lola Dopico. Ademais engadiu que “a escola leva pouco tempo funcionando e un sempre ten ese medo de non ir polo camiño correcto. Esta oportunidade é como un recoñecemento público de que estamos facendo as cousas ben”.
23/01/2008