O campus de Ourense presenta a súa oferta de mestrados para o curso 2011/2012
17 opcións para volver á Universidade ou continuar nela
O prazo para preinscribirse nalgunha das 467 prazas dispoñibles remata o día 7 de xullo
A formación continua é unha das mellores bazas para atopar un emprego, para cambiar del ou para ascender. Tamén é unha forma de seguir medrando e actualizando coñecementos como investigador, como profesional e como persoa. Para todos aqueles que desexen estudar o vindeiro curso un mestrado para completar a súa formación, a Universidade de Vigo ofrece no campus de Ourense 17 mestrados nos seus seis centros, con un total de 467 prazas dispoñibles. O prazo para preinscribirse en calquera destas opcións está aberto ata o 7 de xullo de 2011.
María Lameiras, vicerreitora do campus, presentou este luns a programación de posgrao acompañada de parte dos coordinadores dos diferentes mestrados. Durante a súa intervención, a vicerreitora destacou que 9 dos mestrados teñen un carácter investigador, orientados ao desenvolvemento de competencias no eido da investigación, e 8 profesionalizante, destinados a incrementar a formación dos profesionais. María Lameiras tamén aproveitou a ocasión para lembrar que os residentes fóra de España que desexen seguir os seus estudos no campus de Ourense realizando un mestrado poden solicitar unha das dez bolsas que ofrece o programa Ourense Exterior, unha iniciativa da Deputación Provincial de Ourense, o Consello Social da Universidade de Vigo e a Vicerreitoría do Campus de Ourense.
María Lameiras, vicerreitora do campus, presentou este luns a programación de posgrao acompañada de parte dos coordinadores dos diferentes mestrados. Durante a súa intervención, a vicerreitora destacou que 9 dos mestrados teñen un carácter investigador, orientados ao desenvolvemento de competencias no eido da investigación, e 8 profesionalizante, destinados a incrementar a formación dos profesionais. María Lameiras tamén aproveitou a ocasión para lembrar que os residentes fóra de España que desexen seguir os seus estudos no campus de Ourense realizando un mestrado poden solicitar unha das dez bolsas que ofrece o programa Ourense Exterior, unha iniciativa da Deputación Provincial de Ourense, o Consello Social da Universidade de Vigo e a Vicerreitoría do Campus de Ourense.