Unha rede de voluntariado dispoñible con só premer un botón
Alumnado do campus deseña unha aplicación Android para atender a maiores e dependentes do rural
O envellecemento da poboación e a súa distribución xeográfica xustifican a utilidade desta ferrament
Un smartphone con conexión a internet e un pequeno grupo de voluntarios e voluntarias sería dabondo para localizar e axudar ás persoas maiores que o precisasen nas zonas rurais de Galicia. Con ese obxectivo nace, da man dos alumnos do 2º curso do Grao en Dirección e Xestión Pública, a ferramenta beta para Android @AppDuls. Unha aplicación orientada a resolver os problemas de teleasistencia a maiores que viven en zonas afastadas aproveitando todas as facilidades e vantaxes que ofrecen os teléfonos intelixentes.
O profesor Enrique Varela, titor deste proxecto, xustifica a necesidade de pór en marcha iniciativas coma esta “ao tratarse dunha necesidade social e termos a man a tecnoloxía e os coñecementos necesarios para levalas a cabo”. A través dun estudo previo, o alumnado concluíu que o envellecemento paulatino da poboación galega e a súa distribución xeográfica, unido a unha situación económica desfavorable fai necesario deseñar programas específicos para garantir unha atención sociosanitaria básica en todo o país. “Puidemos demostrar que para desenvolver tecnoloxías aptas para a vida cotiá non son necesarios grandes coñecementos tecnolóxicos, si lóxicos e de estratexia sobre a contorna e o actores dunha política pública como é a sociosanitaria”, asegura o profesor da Facultade de Ciencias Sociais e da Comunicación.
O profesor Enrique Varela, titor deste proxecto, xustifica a necesidade de pór en marcha iniciativas coma esta “ao tratarse dunha necesidade social e termos a man a tecnoloxía e os coñecementos necesarios para levalas a cabo”. A través dun estudo previo, o alumnado concluíu que o envellecemento paulatino da poboación galega e a súa distribución xeográfica, unido a unha situación económica desfavorable fai necesario deseñar programas específicos para garantir unha atención sociosanitaria básica en todo o país. “Puidemos demostrar que para desenvolver tecnoloxías aptas para a vida cotiá non son necesarios grandes coñecementos tecnolóxicos, si lóxicos e de estratexia sobre a contorna e o actores dunha política pública como é a sociosanitaria”, asegura o profesor da Facultade de Ciencias Sociais e da Comunicación.