Promovido polo Servizo de Deportes
As apostas deportivas teñen premio no concurso Playmaker
Adiviñar de antemán os resultados dos encontros deportivos que se disputan cada fin de semana, agora ten premio grazas ao xogo Playmaker. Tan só hai que cumprir dous requisitos: ser seguidor da páxina de Facebook do Servizo de Deportes, promotor da actividade, e facer un comentario cos resultados esperados nos encontros propostos cada semana, que inclúen dende fútbol e baloncesto ata as carreiras de Fórmula 1 e Moto GP. Desta forma sinxela e rápida, os participantes poden converterse en gañadores de premios semanais á vez que acumulan puntos para un gran premio final.
Para participar tan só hai que unirse ao perfil da páxina de Facebook do Servizo de Deportes e facer un comentario co resultado esperado para os encontros de cada semana (2 X 1 para fútbol e baloncesto e o podium para Formula 1 e Moto GP), sempre dentro do tempo estipulado. Os gañadores de cada semana serán aqueles que mais acertos acaden, recibindo produtos da marca patrocinadora. Cada acerto tradúcese nun punto, o que pon aos concursantes máis preto do premio final.
Ademais deste xogo, a rede social permite aos usuarios coñecer máis a fondo as actividades que organiza o Servizo de Deportes, polo que “conseguir amigos é un aspecto fundamental e grazas a este concurso puidemos acadar arredor de mil seguidores”, conclúe Rial.
Á espera da sorte
Tras o éxito obtido no concurso Quiniela semanal na que se sorteaba material deportivo, o Servizo de Deportes, en colaboración con Cocacola, continuou esta aposta lúdica organizando a primeira edición de Playmaker. O concurso ten unha duración total de catro semanas nas que os participantes apostarán por cinco eventos deportivos nos que a continuidade ten un valor especial xa que é a única forma para acumular os puntos suficientes para gañar o gran premio final: un reloxo Lotus.Para participar tan só hai que unirse ao perfil da páxina de Facebook do Servizo de Deportes e facer un comentario co resultado esperado para os encontros de cada semana (2 X 1 para fútbol e baloncesto e o podium para Formula 1 e Moto GP), sempre dentro do tempo estipulado. Os gañadores de cada semana serán aqueles que mais acertos acaden, recibindo produtos da marca patrocinadora. Cada acerto tradúcese nun punto, o que pon aos concursantes máis preto do premio final.
Unha ferramenta para dar a coñecer o Servizo de Deportes
Como indica Javier Rial, responsable do Servizo de Deportes, “con este concurso e coa entrega de premios o que buscamos é estar en contacto cos usuarios de Facebook máis aló da práctica deportiva”. Nestes momentos hai entre 50 e 60 participantes, “aínda que esperamos poder chegar aos 150 ou 200, o que se traduciría nun éxito rotundo”, indica Rial.Ademais deste xogo, a rede social permite aos usuarios coñecer máis a fondo as actividades que organiza o Servizo de Deportes, polo que “conseguir amigos é un aspecto fundamental e grazas a este concurso puidemos acadar arredor de mil seguidores”, conclúe Rial.