O xornalista Abraham de Amézaga, colaborador habitual de revistas como Glamour, Elle, Gentleman ou Época, inaugurou na Casa das Campás a quinta edición do ciclo de conferencias Os Xoves de Moda de Esdemga. Licenciado en filoloxía francesa e especializado en moda, luxo e a arte de vivir, centrou a súa charla na busca de alternativas para un consumo, en particular de moda, de calidade e racional en tempos de crise económica. Fronte á crise: calidade europea da moda foi o título que lle puxo ao seu relatorio, a través do que fixo unha aposta polo “saber facer europeo” e a volta á artesanía local.
15/04/2010