O Campus do Mar recibe o recoñecemento do sector empresarial
Foi galardoado co premio Promoción outorgado pola revista económica Capital
O Campus do Mar vén de recibir un novo recoñecemento, desta volta o premio Promoción, outorgado pola revista económica Capital. No acto de entrega, celebrado no Porto de Vigo, o reitor Salustiano Mato, que recibiu o galardón da man de Pilar Rojo, presidenta do Parlamento Galego, salientou a importancia deste recoñecemento, xa que supón que “o mundo da economía, as publicacións especializadas, sinalan a este proxecto como un elemento clave na promoción económica de Galicia e España”. Ademais asegurou a súa convicción de que o Campus do Mar “será decisivo no crecemento das empresas relacionadas co medio mariño”.
Moitas destas empresas foron tamén galardoadas nesta edición dos premios Capital, que recoñeceron aos “motores da cidade, á industria, pero tamén á Universidade, unha institución tan decisiva para a competitividade de Vigo”, como sinalou Corina Porro, presidenta da Autoridade Portuaria e que exercía de anfitriona. Pescanova, Selmark, os astaleiros Freire, PSA Peugeot Citroën ou o CTAG foron algúns dos galardoados nun acto no que tamén se recoñeceu o labor do Porto de Vigo e de Julio Fernández Gayoso.
Pola súa banda, Consuelo Calle, directora da revista, salientou a presenza na cidade de “realidades, coma o Campus do Mar, recoñecido coa Excelencia Internacional, que traballan por Vigo, por convocar o mellor talento ao seu redor”. Neste senso pronunciouse tamén o presidente da Xunta, Alberto Núñez Feijoo, ao asegurar no seu discurso, que puxo o broche final á entrega de premios, que a receta que debe seguir Galicia para saír adiante é ter un proxecto de futuro cunha sólida base “tal e como demostra o Campus do Mar”.
Moitas destas empresas foron tamén galardoadas nesta edición dos premios Capital, que recoñeceron aos “motores da cidade, á industria, pero tamén á Universidade, unha institución tan decisiva para a competitividade de Vigo”, como sinalou Corina Porro, presidenta da Autoridade Portuaria e que exercía de anfitriona. Pescanova, Selmark, os astaleiros Freire, PSA Peugeot Citroën ou o CTAG foron algúns dos galardoados nun acto no que tamén se recoñeceu o labor do Porto de Vigo e de Julio Fernández Gayoso.
Pola súa banda, Consuelo Calle, directora da revista, salientou a presenza na cidade de “realidades, coma o Campus do Mar, recoñecido coa Excelencia Internacional, que traballan por Vigo, por convocar o mellor talento ao seu redor”. Neste senso pronunciouse tamén o presidente da Xunta, Alberto Núñez Feijoo, ao asegurar no seu discurso, que puxo o broche final á entrega de premios, que a receta que debe seguir Galicia para saír adiante é ter un proxecto de futuro cunha sólida base “tal e como demostra o Campus do Mar”.