No certame poderá participar calquera persoa con 18 anos cumpridos
Un concurso premia con 3000 euros a mellor obra artística na fachada da biblioteca
Os participantes poderán empregar calquera técnica, dende o graffiti ata a escultura
A Vicerreitoría do campus de Ourense vén de convocar o I Concurso de Intervención Artística, un certame que premiará con tres mil euros o mellor deseño sobre o muro da fachada superior da Biblioteca Central do campus. Este espazo ten unhas medidas aproximadas de 18,45 x 3,50 metros (lonxitude e altura) e para cubrilo aceptarase calquera tipo de técnica ou manifestación artística, como o graffiti, a pintura mural ou a intervención escultórica. No certame pode participar calquera persoa a partires dos 18 anos de xeito individual e colectivo, podendo presentar un máximo de dous traballos por participante. O prazo de presentación das propostas remata o 28 de febreiro de 2010.
A revalorización dos espazos do campus e amosarlle á cidadanía novas linguaxes creadoras son dous dos obxectivos do certame e así o subliña Filemón Rivas, xestor de actividades culturais. Nas súas palabras, “o que queremos é ofrecer un espazo máis do campus á creatividade tanto do alumnado como do público en xeral. Con esta iniciativa mantemos o noso compromiso no eido da arte contemporánea e pensamos que encher de arte ese espazo é unha boa maneira de que adquira un importante valor engadido”, declara.
Cada participante deberá presentar un bosquexo orixinal, coas cores aproximadas, en tamaño A3 ou A1. Este levará na súa parte posterior o título da obra e unha breve descrición dela. Deberá acompañarse dun sobre no que figure, na súa parte exterior, o mesmo título do bosquexo e, no seu interior, a ficha de inscrición que aparece na web www.vicou.uvigo.es, ademais dunha fotocopia do DNI de cada participante. Os traballos presentaranse persoalmente ou enviaranse por correo postal ao seguinte enderezo: Oficina de Actividades Culturais. Unidade Administrativa. Campus universitario As Lagoas. CP 32004. Ourense.
Polo que respecta á utilización de materiais, a organización presentará ao gañador o muro branqueado listo para realizar o traballo e o artista achegará o material e as estruturas necesarias. Tamén deberá cumprir os requisitos establecidos na lexislación vixente sobre prevención de riscos laborais.
O certame prevé un único premio de tres mil euros para o proxecto gañador, sexa este individual ou colectivo. Non obstante e se así o considera o xurado, poderanse conceder ata dúas mencións especiais a traballos presentados sen dotación económica e coa concesión dun diploma acreditativo.
A revalorización dos espazos do campus e amosarlle á cidadanía novas linguaxes creadoras son dous dos obxectivos do certame e así o subliña Filemón Rivas, xestor de actividades culturais. Nas súas palabras, “o que queremos é ofrecer un espazo máis do campus á creatividade tanto do alumnado como do público en xeral. Con esta iniciativa mantemos o noso compromiso no eido da arte contemporánea e pensamos que encher de arte ese espazo é unha boa maneira de que adquira un importante valor engadido”, declara.
A interacción co edificio e a utilización de materiais bos para o medio ambiente
O xurado do certame estará formado por persoas designadas pola Vicerreitoría do campus de Ourense e contará con especialistas na materia. O tema será libre, pero as persoas encargadas de avalialo terán en conta aspectos como a conexión co ámbito no que se plasmará o traballo, a interacción co edificio do que forma parte e a utilización de materiais que contribúan á sustentabilidade do medio ambiente. A decisión do xurado será inapelable e mesmo poderá declarar deserto o premio se a calidade dos traballos presentados así o aconsella.Cada participante deberá presentar un bosquexo orixinal, coas cores aproximadas, en tamaño A3 ou A1. Este levará na súa parte posterior o título da obra e unha breve descrición dela. Deberá acompañarse dun sobre no que figure, na súa parte exterior, o mesmo título do bosquexo e, no seu interior, a ficha de inscrición que aparece na web www.vicou.uvigo.es, ademais dunha fotocopia do DNI de cada participante. Os traballos presentaranse persoalmente ou enviaranse por correo postal ao seguinte enderezo: Oficina de Actividades Culturais. Unidade Administrativa. Campus universitario As Lagoas. CP 32004. Ourense.
Polo que respecta á utilización de materiais, a organización presentará ao gañador o muro branqueado listo para realizar o traballo e o artista achegará o material e as estruturas necesarias. Tamén deberá cumprir os requisitos establecidos na lexislación vixente sobre prevención de riscos laborais.
O certame prevé un único premio de tres mil euros para o proxecto gañador, sexa este individual ou colectivo. Non obstante e se así o considera o xurado, poderanse conceder ata dúas mencións especiais a traballos presentados sen dotación económica e coa concesión dun diploma acreditativo.