Diario da Universidade de Vigo
A profesora Dolores Vilavedra afonda na faceta narradora de Álvaro Cunqueiro
Contar sinxelo coma quen come pan
O escritor é o protagonista do 'IX Ciclo de Conferencias Visións de Galicia'
Teresa Devesa foi a encargada de presentar a Dolores Vilavedra
O escritor é o protagonista do IX Ciclo de Conferencias Visións de Galicia do Liceo
Cúmprense 100 anos do nacemento do escritor Álvaro Cunqueiro. Un centenario que se converte nunha excelente ocasión para afondar na súa figura e obra e para contribuír á súa difusión. Con estes obxectivos, o Liceo de Ourense dedica ao escritor lucense o IX Ciclo de Conferencias Visións de Galicia. O Cunqueiro xornalista, o Cunqueiro narrador e o Cunqueiro familiar son algunhas das facianas deste polifacético escritor que aborda esta iniciativa.
O IX Ciclo de Conferencias Visións de Galicia, organizado coa colaboración da Vicerreitoría do Campus de Ourense, comezaron o venres cunha intervención a cargo do catedrático de Literatura Galega Xesús Alonso Montero. Gran coñecedor da figura de Cunqueiro, Alonso Montero expuxo a súa faciana como xornalista, antes e despois da guerra de 1936. Este luns, a profesora Dolores Vilavedra foi a encargada de continuar as conferencias falando da traxectoria como narrador de Cunqueiro, unha faceta que desenvolve tras a etapa de posguerra.
Durante a súa intervención Vilavedra explicou como Cunqueiro “era un home plural, polifacético, que cultivou case todos os xéneros e que incluso inventou algún”. Segundo salientou, a “pulsión narradora” do escritor naceu na súa nenez, pois tal e como o propio Cunqueiro dixo “pasei a miña infancia escoitando”, escoitando historias na botica do seu pai e no Mondoñedo da época. Desa época agromaría logo o seu interese por “contar chan e sinxelo, coma quen come pan”.
Deste xeito naceu o Cunqueiro narrador, que se converte “nun dos pais da novela galega contemporánea e que por primeira vez e de xeito consciente afasta este xénero dos modelos rurais e costumistas”, destacou Dolores Vilavedra. Coma toda creación visionaria e adiantada ao seu tempo, Merlín e familia non contou nos primeiros anos co recoñecemento dos lectores e da intelectualidade, tal e como demostra o feito de que aínda que se editou o libro en 1955 non hai unha segunda edición ata 1968.
Tras esta conferencia de Dolores Vilavedra, o ciclo pecharase o xoves 5 de maio cunha intervención a cargo de César Cunqueiro, que falará sobre Álvaro Cunqueiro ou a literatura do paraíso. Será ás 20.15 no Liceo ourensán.
O IX Ciclo de Conferencias Visións de Galicia, organizado coa colaboración da Vicerreitoría do Campus de Ourense, comezaron o venres cunha intervención a cargo do catedrático de Literatura Galega Xesús Alonso Montero. Gran coñecedor da figura de Cunqueiro, Alonso Montero expuxo a súa faciana como xornalista, antes e despois da guerra de 1936. Este luns, a profesora Dolores Vilavedra foi a encargada de continuar as conferencias falando da traxectoria como narrador de Cunqueiro, unha faceta que desenvolve tras a etapa de posguerra.
Durante a súa intervención Vilavedra explicou como Cunqueiro “era un home plural, polifacético, que cultivou case todos os xéneros e que incluso inventou algún”. Segundo salientou, a “pulsión narradora” do escritor naceu na súa nenez, pois tal e como o propio Cunqueiro dixo “pasei a miña infancia escoitando”, escoitando historias na botica do seu pai e no Mondoñedo da época. Desa época agromaría logo o seu interese por “contar chan e sinxelo, coma quen come pan”.
Unha vida fabulando
“Cunqueiro pasouse a vida contando, fabulando. Tiña tanto que contar que o canalizaba en todo tipo de formatos” comentou Vilavedra. Entre eses formatos apareceu en escena a novela, grazas á intervención de Francisco del Riego, que lle dixo a Cunqueiro que escribise novela e Cunqueiro aferrouse a iso coma unha nova ilusión da que nacería o libro Merlín e familia. O escritor atopábase entón de regreso a Mondoñedo despois de serlle retirado o carné de xornalista e o favor do réxime e separarse da súa muller.Deste xeito naceu o Cunqueiro narrador, que se converte “nun dos pais da novela galega contemporánea e que por primeira vez e de xeito consciente afasta este xénero dos modelos rurais e costumistas”, destacou Dolores Vilavedra. Coma toda creación visionaria e adiantada ao seu tempo, Merlín e familia non contou nos primeiros anos co recoñecemento dos lectores e da intelectualidade, tal e como demostra o feito de que aínda que se editou o libro en 1955 non hai unha segunda edición ata 1968.
Tras esta conferencia de Dolores Vilavedra, o ciclo pecharase o xoves 5 de maio cunha intervención a cargo de César Cunqueiro, que falará sobre Álvaro Cunqueiro ou a literatura do paraíso. Será ás 20.15 no Liceo ourensán.