Diario da Universidade de Vigo
25ª edición de LaconNetwork “INCUVI”
Emprendedores e profesionais do sector tecnolóxico comparten experiencias no campus
O encontro contou coa participación de Miguel Silva, cofundador de Blu:sens, e “emprendedor galego d
Previamente ao xantar que tería lugar na Cidade Universitaria os asistentes reuníronse na sala 1 do Edificio Miralles
Miguel Silva, José Antonio Vilán e Josuke Pérez ao inicio do encontro
Intervención do cofundador de Blu:sens, Miguel Silva
Emprendedores e profesionais do sector tecnolóxico galego reuníronse este venres no campus nunha xuntanza “informal pero moi estable”, a 25ª edición de LaconNetwork, un encontro que se celebrou por primeira vez nun centro universitario e que, como cada último venres de mes, reúne arredor dun “bo xantar” aos emprendedores galegos que se dedican ás novas tecnoloxías, innovación e, sobre todo, á rede.
Previo a este xantar os emprendedores puideron intercambiar opinións con Miguel Silva, cofundador de Blu:sens e “un dos emprendedores de referencia a nivel galego”, tal como subliñou na súa presentación o vicerreitor de Transferencia do Coñecemento, José Antonio Vilán, que foi o encargado de darlle a benvida a todos os asistentes a unha xornada “que estamos encantados de que se celebre aquí, xa que un dos nosos obxectivos prioritarios é motivar aos nosos alumnos e alumnas e tamén aos egresados a que tomen a iniciativa de emprender”, recalcou Vilán, que insistiu na importancia “de levar a sociedade non só os nosos coñecementos, senón tamén de axudar a que o noso alumnado poida intentar facer os proxectos que teñen nas súas cabezas”.
Físico de formación e cun currículo ao que o vicerreitor se referiu como “apabullante”, Miguel Silva impartiu o relatorio Where is my crispy bacon?, unha charla na que pouco a pouco foi contando aos asistentes anécdotas reais que lle foron acontecendo na súa dilatada traxectoria profesional, na que se inclúe, entre outros, o cargo de director xeral de Televés para Oriente Medio e Asia e ser o presidente fundador do Spanish Business Council nos Emiratos Árabes Unidos.
Esta visita ao campus permitiu aos universitarios ter un primeiro contacto coas redes de emprendemento de Galicia, interactuando con potencias mentores, inversores, etc.
Previo a este xantar os emprendedores puideron intercambiar opinións con Miguel Silva, cofundador de Blu:sens e “un dos emprendedores de referencia a nivel galego”, tal como subliñou na súa presentación o vicerreitor de Transferencia do Coñecemento, José Antonio Vilán, que foi o encargado de darlle a benvida a todos os asistentes a unha xornada “que estamos encantados de que se celebre aquí, xa que un dos nosos obxectivos prioritarios é motivar aos nosos alumnos e alumnas e tamén aos egresados a que tomen a iniciativa de emprender”, recalcou Vilán, que insistiu na importancia “de levar a sociedade non só os nosos coñecementos, senón tamén de axudar a que o noso alumnado poida intentar facer os proxectos que teñen nas súas cabezas”.
Físico de formación e cun currículo ao que o vicerreitor se referiu como “apabullante”, Miguel Silva impartiu o relatorio Where is my crispy bacon?, unha charla na que pouco a pouco foi contando aos asistentes anécdotas reais que lle foron acontecendo na súa dilatada traxectoria profesional, na que se inclúe, entre outros, o cargo de director xeral de Televés para Oriente Medio e Asia e ser o presidente fundador do Spanish Business Council nos Emiratos Árabes Unidos.
Contactar coas redes de emprendemento
O obxectivo deste xuntanza “é compartir inquietudes”, tal como lembrou un dos cofundadores, Josuke Pérez, quen lembrou que a idea xurdiu “diante dun bo cocido en Baamonde” e que o mes pasado, na LaconNetwork Two Years, reuniu a máis de 500 emprendedores entre os presencias e os que seguiron o encontro a través do streaming do vídeo. “É un encontro que xa está consolidado e que vai medrando mes a mes, pero segue coa mesma filosofía de ser un lugar de encontro no que conseguir contactos e poder falar do teu proxecto”.Esta visita ao campus permitiu aos universitarios ter un primeiro contacto coas redes de emprendemento de Galicia, interactuando con potencias mentores, inversores, etc.