O obxectivo da iniciativa é amosar as posibilidades que lles ofrece esta saída profesional
Enfermeiros militares comparten cos universitarios as súas experiencias
O acto tivo lugar na Escola Universitaria de Enfermaría de Ourense
En toda operación militar, sexa bélica ou humanitaria, alén dos propios militares hai un grupo de profesionais que xogan un papel fundamental. É o persoal de enfermaría. Para coñecer en que consiste o traballo dos enfermeiros militares, especialmente en misións no estranxeiro, a Escola Universitaria de Enfermaría de Ourense vén de celebrar unha xornada na que varios destes profesionais compartiron cos universitarios as súas experiencias. O obxectivo da iniciativa é que os futuros enfermeiros e enfermeiras valoren entre as súas saídas profesionais a da carreira dentro dalgúns dos exércitos.
A xornada contou coa participación de Estrella Portela, directora da Escola Universitaria de Enfermaría de Ourense; Ramón Rey-Vich, subdelegado de Defensa; Juan José San Juan Carques, comandante-enfermeiro, e Pablo Astor Camino, capitán-enfermeiro. Entre o público déronse cita alumnado dos diferentes cursos da escola, pois aínda que inicialmente estaba deseñada para os estudantes de último curso dado o interese suscitado ampliouse o aforo. “Foi unha iniciativa pioneira, moi frutifera para todos e moi amena, grazas sobre todo aos relatores, Juan José San Juan Carques e Pablo Astor Camino, que explicaron con detalle o seu traballo e se amosaron en todo momento moi próximos”, salienta Estrella Portela.
O alumnado asistente tamén puido coñecer como acceder a este traballo a través das oposicións, como participa o enfermeiro da xerarquía militar, como cada vez hai máis mulleres enfermeiras militares, que tipo de remuneración teñen e outras cuestións de índole profesional. Alén destas cuestións técnicas, Juan José San Juan e Pablo Astor tamén salientaron a satisfacción do traballo en misións no estranxeiro e as relacións humanas que se establecen entre as persoas que traballan xuntas neste tipo de operacións.
“Algúns alumnos saíron das conferencias tendo claro que esta opción de enfermaría non é para eles e outros saíron moi interesados polas opcións de coñecer mundo que lles ofrece, pero todos amosáronse moi satisfeitos polo interesante que foi escoitar as experiencias e coñecementos destes profesionais”, destaca Estrella Portela.
A xornada contou coa participación de Estrella Portela, directora da Escola Universitaria de Enfermaría de Ourense; Ramón Rey-Vich, subdelegado de Defensa; Juan José San Juan Carques, comandante-enfermeiro, e Pablo Astor Camino, capitán-enfermeiro. Entre o público déronse cita alumnado dos diferentes cursos da escola, pois aínda que inicialmente estaba deseñada para os estudantes de último curso dado o interese suscitado ampliouse o aforo. “Foi unha iniciativa pioneira, moi frutifera para todos e moi amena, grazas sobre todo aos relatores, Juan José San Juan Carques e Pablo Astor Camino, que explicaron con detalle o seu traballo e se amosaron en todo momento moi próximos”, salienta Estrella Portela.
Cada vez máis mulleres
Durante as súas intervencións Juan José San Juan Carques e Pablo Astor Camino explicaron en que consiste exactamente o traballo dun enfermeiro militar tendo en conta a súa experiencia persoal en hospitais militares, en buques do exército e en intervencións como a de Kosovo, na antiga Iugoslavia. Os relatores explicaron o tipo de instalacións e equipamento do que dispoñen nestes recintos e dispositivos, incidindo en aspectos como a telemedina.O alumnado asistente tamén puido coñecer como acceder a este traballo a través das oposicións, como participa o enfermeiro da xerarquía militar, como cada vez hai máis mulleres enfermeiras militares, que tipo de remuneración teñen e outras cuestións de índole profesional. Alén destas cuestións técnicas, Juan José San Juan e Pablo Astor tamén salientaron a satisfacción do traballo en misións no estranxeiro e as relacións humanas que se establecen entre as persoas que traballan xuntas neste tipo de operacións.
“Algúns alumnos saíron das conferencias tendo claro que esta opción de enfermaría non é para eles e outros saíron moi interesados polas opcións de coñecer mundo que lles ofrece, pero todos amosáronse moi satisfeitos polo interesante que foi escoitar as experiencias e coñecementos destes profesionais”, destaca Estrella Portela.