Será nas II Xornadas sobre a Formación do Xurista Europeo no Contexto dun Novo Dereito Global
Expertos estatais e internacionais afondarán na formación dos futuros avogados europeos
O encontro celebrarase na Facultade de Dereito os días 10 e 30 de novembro
A implantación do EEES require de todos os estudos unha adaptación ao novo marco europeo. No caso dos futuros avogados, o contexto comunitario impón unha segunda adaptación, a necesaria para dar resposta ás demandas formativas duns xuristas que exercerán a súa profesión no marco dun novo dereito global. Para afondar neste tema, destacados expertos académicos estatais e foráneos daranse cita no campus de Ourense os días 10 e 30 de novembro de 2011 nunhas xornadas organizadas pola Área de Dereito Procesal e Dereito Romano da Universidade de Vigo.
A cita será nas II Xornadas sobre a Formación do Xurista Europeo no Contexto dun Novo Dereito Global, coordinadas polas profesoras da Facultade de Dereito Inés Iglesias Canle e María José Bravo Bosch. Nesta segunda edición, as súas organizadoras acadan repetir o éxito de público e calidade das conferencias escoitadas da primeira xornada. Para facelo, deseñaron un programa no que destaca a participación de expertos das universidades de Ceará (Brasil), Florencia (Italia), Almería, Carlos III de Madrid, Valencia, A Coruña e Santiago de Compostela, ademais de docentes da Universidade de Vigo.
Tamén neste primeiro día de traballo, Pedro Resina, da Universidade de Almería, afondará no pragmatismo xurídico no itinerario formativo dos xuristas actuais; Mª José Bravo Bosch, da Universidade de Vigo, e Rosalía Rodríguez, da Universidade de Almería, explicarán aos asistentes a importancia do dereito romano como fundamento para a construción dun dereito privado europeo, e Luis Rodríguez Ennes, da Universidade de Vigo, e Modesto Barcia, da Universidade da Coruña, explicarán o proxecto de mestrado na avogacía para os novos xuristas.
Os interesados en asistir a estas xornadas, especialmente dirixidas aos profesionais e estudantes do ámbito do Dereito, teñen de prazo de inscrición ata o vindeiro día 8 de novembro.
A cita será nas II Xornadas sobre a Formación do Xurista Europeo no Contexto dun Novo Dereito Global, coordinadas polas profesoras da Facultade de Dereito Inés Iglesias Canle e María José Bravo Bosch. Nesta segunda edición, as súas organizadoras acadan repetir o éxito de público e calidade das conferencias escoitadas da primeira xornada. Para facelo, deseñaron un programa no que destaca a participación de expertos das universidades de Ceará (Brasil), Florencia (Italia), Almería, Carlos III de Madrid, Valencia, A Coruña e Santiago de Compostela, ademais de docentes da Universidade de Vigo.
Desde Brasil e Florencia
As xornadas comezarán o día 10 de novembro coa inauguración a cargo de María Lameiras, vicerreitora do campus de Ourense; Miguel Michinel, decano da Facultade de Dereito de Ourense; e Ernesto Pedrosa, presidente do Consello Social da Universidade de Vigo. Esta primeira sesión comezará coas intervencións internacionais, falando María Vital da Rocha, da Universidade Federal do Ceará, sobre o dereito da personalidade en Brasil, e Vicenzo Durante, da Universidade de Florencia, sobre o camiño cara un dereito común europeo.Tamén neste primeiro día de traballo, Pedro Resina, da Universidade de Almería, afondará no pragmatismo xurídico no itinerario formativo dos xuristas actuais; Mª José Bravo Bosch, da Universidade de Vigo, e Rosalía Rodríguez, da Universidade de Almería, explicarán aos asistentes a importancia do dereito romano como fundamento para a construción dun dereito privado europeo, e Luis Rodríguez Ennes, da Universidade de Vigo, e Modesto Barcia, da Universidade da Coruña, explicarán o proxecto de mestrado na avogacía para os novos xuristas.
A perspectiva estatal
As II Xornadas sobre a Formación do Xurista Europeo no Contexto dun Novo Dereito Global continuarán o día 30 de novembro cunha segunda sesión que comezará coa intervención de José Agustín González, da Universidade de Vigo, sobre a docencia do dereito constitucional no marco do EEES. Seguiranlle Inés Iglesias Canle e Juan Montero, da Universidade de Valencia, que falarán sobre a formación do avogado e o procurador no EEES, e Raquel Castillejo, da Universidade de Santiago de Compostela, que explicará a metodoloxía do caso como técnica de traballo cooperativa no contexto Moot Court. Para completar as xornadas Bernardino Varela, da Universidade de Santiago de Compostela, e Ágata Sanz, da Universidade de Castilla-La Mancha, disertarán sobre o ensino do dereito procesal e as novas metodoloxías docentes, e Francisco Javier Álvarez, da Universidade Carlos III de Madrid, afondará no tráfico de drogas nas relacións de explotación no ámbito internacional.Os interesados en asistir a estas xornadas, especialmente dirixidas aos profesionais e estudantes do ámbito do Dereito, teñen de prazo de inscrición ata o vindeiro día 8 de novembro.