O seu espectáculo abriu a programación de teatro de rúa do cuadrimestre
Hiltoff, ou como unir rugby e salmonela para facer humor
Hiltoff, gañador do Festiclown 2010, foi o encargado de inaugurar as sesións de teatro de rúa deste curso co espectáculo Radio Salmonela, un show que require a participación do público e que contén grandes doses de humor e alegría. A trama está centrada nun xogador de rugby que intenta recoller un ovo lanzado polos asistentes interaccionando así co público que se atopaba no Centro Comercial na hora do xantar.
A representación, caracterizada pola ausencia absoluta de malabares e xogos, conta cun final incrible, que sorprendeu gratamente ao público congregado para a ocasión en Cidade Universitaria. Con este espectáculo, o actor granadino leva tres anos percorrendo os escenarios de diversos países europeos, nos que acadou numerosos éxitos e colleitou varios premios.
As seguintes sesións de teatro de rúa terán lugar os vindeiros 17 e 24 de novembro, coas actuacións de Pablo Muñoz e Ce Orquestra Pantasma, respectivamente, ambas á hora do xantar no Centro Comercial.
A representación, caracterizada pola ausencia absoluta de malabares e xogos, conta cun final incrible, que sorprendeu gratamente ao público congregado para a ocasión en Cidade Universitaria. Con este espectáculo, o actor granadino leva tres anos percorrendo os escenarios de diversos países europeos, nos que acadou numerosos éxitos e colleitou varios premios.
As seguintes sesións de teatro de rúa terán lugar os vindeiros 17 e 24 de novembro, coas actuacións de Pablo Muñoz e Ce Orquestra Pantasma, respectivamente, ambas á hora do xantar no Centro Comercial.