Diario da Universidade de Vigo
Co gallo da celebración do Día do Libro, o vindeiro 23 de abril
A literatura que cabe en 420 caracteres
O Centro de Linguas organiza un concurso de microrrelatos a través do seu Facebook
As novas tecnoloxías abren novos camiños para a creatividade e demostran que as redes sociais son tamén aptas para crear literatura. Co fin de aproveitar esta sinerxia e co gallo da celebración do Día Internacional do Libro o vindeiro 23 de abril, o Centro de Linguas organiza un concurso de microrrelatos a través do Facebook. A única limitación para os participantes é o espazo: un máximo de 420 caracteres, que é o límite establecido nos comentarios desta rede social, vía de participación no concurso. O idioma de participación queda á elección dos escritores, que poderán seleccionalo de entre o abano de cursos que se imparten no Centro de Linguas.
Os relatos poderán publicarse no muro do perfil do Centro de Linguas ata o venres 20 de abril, mentres que os premios para os gañadores entregaranse o luns 23 no acto que se celebrará para conmemorar o día do Libro. Aproveitando as posibilidades que o Facebook achega, un dos premios entregados dependerá do criterio dos usuarios da páxina: aquel relato que reciba máis ‘Gústame’, será o gañador. O segundo dos premiados será seleccionado por un xurado de profesionais que exporán os seus argumentos e coñecementos á hora de conceder o galardón. Os premios consistirán en lotes de libros e material escolar.
Mª del Carmen Méndez, profesora de español no Centro de Linguas, explica que a idea xurdiu ao preparar as actividades de celebración do Día do Libro. “Ocorréusenos promocionar a lectura a través de algo moi familiar para os estudantes como son as redes sociais” e puntualiza que para a comunidade universitaria "é normal consultar un par de veces ao día a súa conta e ten unha sorte de vida paralela en Internet, por iso utilizamos unha canle que consideramos rápida, eficaz e próxima”. A finalidade é “promover a creatividade literaria e a lectura entre o alumnado ao tempo que dinamizamos o Centro de Linguas con actividades paralelas á ensinanza co fin de enganchar e motivar aos alumnos na aprendizaxe de linguas", puntualiza Méndez.
Sobre a xa máis que debatida incidencia negativa das novas tecnoloxías na capacidade ortográfica e gramatical das novas xeracións, Mª del Carmen Méndez recoñece que “é certo que se argumenta con certa frecuencia que a xuventude descoida a linguaxe en contextos informais como as redes sociais, as mensaxes de móbiles, etc.". Sen embargo, para a docente tamén é necesario destacar que "o alumnado é capaz de diferenciar -case sempre- entre situacións de comunicación formais e informais e nas primeiras, como é este caso, sempre procura ter unha alta corrección. Isto queda patente na alta calidade dos textos que xa forman parte do concurso”, conclúe.
Os relatos poderán publicarse no muro do perfil do Centro de Linguas ata o venres 20 de abril, mentres que os premios para os gañadores entregaranse o luns 23 no acto que se celebrará para conmemorar o día do Libro. Aproveitando as posibilidades que o Facebook achega, un dos premios entregados dependerá do criterio dos usuarios da páxina: aquel relato que reciba máis ‘Gústame’, será o gañador. O segundo dos premiados será seleccionado por un xurado de profesionais que exporán os seus argumentos e coñecementos á hora de conceder o galardón. Os premios consistirán en lotes de libros e material escolar.
Mª del Carmen Méndez, profesora de español no Centro de Linguas, explica que a idea xurdiu ao preparar as actividades de celebración do Día do Libro. “Ocorréusenos promocionar a lectura a través de algo moi familiar para os estudantes como son as redes sociais” e puntualiza que para a comunidade universitaria "é normal consultar un par de veces ao día a súa conta e ten unha sorte de vida paralela en Internet, por iso utilizamos unha canle que consideramos rápida, eficaz e próxima”. A finalidade é “promover a creatividade literaria e a lectura entre o alumnado ao tempo que dinamizamos o Centro de Linguas con actividades paralelas á ensinanza co fin de enganchar e motivar aos alumnos na aprendizaxe de linguas", puntualiza Méndez.
Sobre a xa máis que debatida incidencia negativa das novas tecnoloxías na capacidade ortográfica e gramatical das novas xeracións, Mª del Carmen Méndez recoñece que “é certo que se argumenta con certa frecuencia que a xuventude descoida a linguaxe en contextos informais como as redes sociais, as mensaxes de móbiles, etc.". Sen embargo, para a docente tamén é necesario destacar que "o alumnado é capaz de diferenciar -case sempre- entre situacións de comunicación formais e informais e nas primeiras, como é este caso, sempre procura ter unha alta corrección. Isto queda patente na alta calidade dos textos que xa forman parte do concurso”, conclúe.