28 novos estudantes incorpóranse a este mestrado da Universidade de Vigo
O Máster en Información Técnica do Medicamento consolídase na súa segunda edición
Dous posgraduados recollen en representación da primeira promoción o título destes estudos virtuais
Un mestrado que se adapta ás esixencias do mercado dun determinado perfil profesional pero tamén ás novas necesidades de formación flexible da poboación. Estas son, xunto á calidade docente, as bazas que segundo os seus responsables permiten ao Máster Universitario en Información Técnica do Medicamento consolidarse este curso dentro da oferta de mestrados da Universidade de Vigo. 28 novos alumnos incorpóranse agora á segunda edición deste posgrao virtual, destinado a formar visitadores médicos, e súmanse aos 15 que realizarán este ano o traballo de fin de mestrado para rematar os seus estudos.
Este venres celebrouse na Facultade de Dereito de Ourense o acto simbólico de graduación da súa primeira promoción e a inauguración da súa segunda edición, coa participación de María Lameiras, vicerreitora do campus de Ourense; Inés Iglesias Canle, coordinadora do mestrado; Alberto Vaquero, director adxunto do mestrado; Miguel Michinel, decano da Facultade de Dereito; e Óscar Rilo, presidente da Confederación Española de Asociacións Profesionais de Visitadores Médicos CEATIMEF, desculpando a súa presenza Lide Verdugo, directora para España dos laboratorios farmacéuticos Takeda- Nycomed Pharmaceuticals.
“Esta segunda edición do máster que presentamos hoxe supón recoller os froitos dun traballo que é de todos”, dixo Inés Iglesias Canle, que ademais das persoas e entidades que actualmente colaboran no mestrado quixo salientar o papel impulsor do anterior decano da Facultade de Dereito, Pedro Rabanal. Un traballo destacado tamén por Miguel Michinel, que fixo fincapé no carácter virtual destes estudos como unha das súas claves de éxito. “Este título oficial é unha oferta única e pioneira a nivel estatal e comunitario, mirándonos moitas asociacións europeas con envexa sa”, engadiu o presidente de CEATIMEF.
Este venres celebrouse na Facultade de Dereito de Ourense o acto simbólico de graduación da súa primeira promoción e a inauguración da súa segunda edición, coa participación de María Lameiras, vicerreitora do campus de Ourense; Inés Iglesias Canle, coordinadora do mestrado; Alberto Vaquero, director adxunto do mestrado; Miguel Michinel, decano da Facultade de Dereito; e Óscar Rilo, presidente da Confederación Española de Asociacións Profesionais de Visitadores Médicos CEATIMEF, desculpando a súa presenza Lide Verdugo, directora para España dos laboratorios farmacéuticos Takeda- Nycomed Pharmaceuticals.
Un traballo de todos
“Neste mestrado é necesario salientar o esforzo a maiores que supón ser un mestrado virtual e non presencial, con alumnado de toda a xeografía española”, salientou durante a súa intervención María Lameiras, que quixo destacar o traballo dos seus responsables e a colaboración de diferentes entidades para sacar adiante esta iniciativa, organizada pola Facultade de Dereito de Ourense en colaboración coa Confederación Española de Asociacións Profesionais de Visitadores Médicos.“Esta segunda edición do máster que presentamos hoxe supón recoller os froitos dun traballo que é de todos”, dixo Inés Iglesias Canle, que ademais das persoas e entidades que actualmente colaboran no mestrado quixo salientar o papel impulsor do anterior decano da Facultade de Dereito, Pedro Rabanal. Un traballo destacado tamén por Miguel Michinel, que fixo fincapé no carácter virtual destes estudos como unha das súas claves de éxito. “Este título oficial é unha oferta única e pioneira a nivel estatal e comunitario, mirándonos moitas asociacións europeas con envexa sa”, engadiu o presidente de CEATIMEF.