Diario da Universidade de Vigo
Nunha visita á Universidade na que se reuniu cos promotores da iniciativa e co Equipo de Goberno
O ministro de Educación afirma que “Galicia será distinta despois do Campus do Mar”
Ángel Gabilondo destacou a paixón e ilusión coa que se está a traballar no proxecto
O ministro de Educación asegurou que "Galicia será distinta despoir de Campus do Mar"
Gabilondo saúda a algúns dos membros do equipo de Goberno da Universidade de Vigo cos que mantivo unha xuntanza
Un intre da reunión do equipo de Goberno celebrada na sala de xuntas do despacho do reitor
O miinistro gabou no libro de honra da Universidade o proxecto de Campus do Mar
Un intre da reunión celebrada cos promotores de Campus do Mar
De esquerda a dereita, o conselleiro de Educación, Jesús Vázquez; o reitor Salustiano Mato; o ministro Ángel Gabilondo e o alcalde de Vigo, Abel Caballero
A paixón e a ilusión coa que dende a Universidade de Vigo se está a traballar no Campus de Excelencia fixeron que o ministro de Educación non dubidade en afirmar que “Galicia será distinta despois deste Campus de Mar, porque a potencialización, o benestar investigador, a xeración de coñecemento e a súa transferencia van potenciar enormemente toda a Eurorrexión e todo o país”.
Así o asegurou tras reunirse co Equipo de Goberno primeiro, e logo cos promotores do campus, entre os que se atopaban responsables do IEO, CSIC e as universidades de A Coruña e Santiago xunto o conselleiro de Educación, Jesús Vázquez e o alcalde de Vigo, Abel Caballero. Ante os medios de comunicación e tras coñecer de primeira man o proxecto do Campus do Mar, o ministro expresou a súa “enorme satisfacción pola ilusión e a convicción coa que se comprometen os promotores a loitar, traballar e vincular ás universidades e institucións neste proxecto”.
Gabilondo amosouse sorprendido pola “moita paixón” coa que se traballa pero destacou que é momento de “ir austeramente tomando todas as decisións que temos que tomar” para sacar adiante o Campus de Excelencia e comprometeuse a axilizar todas as medidas relacionadas co Goberno portugués para que “ningún obstáculo administrativo nin burocrático impida o desenvolvemento deste proxecto”.
Neste sentido, Gabilondo salientou a súa capacidade de agregación e destacou que con xuntanzas como esta constátase que o Concello de Vigo, a Xunta de Galicia e o Goberno de España “miran xuntos na mesma dirección, a dirección dun proxecto que compartimos con todas as institucións” e que cualificou de “extraordinario e moi singular”. Esta visión transfronteiriza era unha das prioridades da convocatoria do Campus de Excelencia Internacional agora feita realidade no Campus do Mar. Salustiano Mato e Ángel Gabilondo coincidiron en remarcar que “aquí aparecen unidas as universidades e organismos portugueses e galegos”, cunha presenza e protagonismo enorme de ambas beiras do Miño e esta é “unha posibilidade de enorme referencia, un lectura a nivel europeo, non só fronteiriza e local”.
Con todo, o ministro explicou que estamos “no inicio dunha tarefa, un compromiso e responsabilidade pública” e remarcou que con este Campus do Mar a Universidade de Vigo preséntase publicamente para “liderar un proceso con todas estas institucións que dará como resultado un centro de excelencia internacional e de recoñecemento polas súas investigacións e o seu labor”.
Así o asegurou tras reunirse co Equipo de Goberno primeiro, e logo cos promotores do campus, entre os que se atopaban responsables do IEO, CSIC e as universidades de A Coruña e Santiago xunto o conselleiro de Educación, Jesús Vázquez e o alcalde de Vigo, Abel Caballero. Ante os medios de comunicación e tras coñecer de primeira man o proxecto do Campus do Mar, o ministro expresou a súa “enorme satisfacción pola ilusión e a convicción coa que se comprometen os promotores a loitar, traballar e vincular ás universidades e institucións neste proxecto”.
Gabilondo amosouse sorprendido pola “moita paixón” coa que se traballa pero destacou que é momento de “ir austeramente tomando todas as decisións que temos que tomar” para sacar adiante o Campus de Excelencia e comprometeuse a axilizar todas as medidas relacionadas co Goberno portugués para que “ningún obstáculo administrativo nin burocrático impida o desenvolvemento deste proxecto”.
A potencialidade do transfronteirixo
Precisamente a capacidade de artellar alianzas entre ambos lados da fronteira foi unha das características do proxecto que quixeron poñer en valor tanto o ministro de Educación como reitor da Universidade, Salustiano Mato. Tal e como llo presentou o reitor, este é “un proxecto de Galicia e o norte de Portugal, de España e Portugal, para facer que no 2015 a iniciativa se sitúe como referencia en Europa e no mundo, queremos ser a Universidade do mar de Europa”.Neste sentido, Gabilondo salientou a súa capacidade de agregación e destacou que con xuntanzas como esta constátase que o Concello de Vigo, a Xunta de Galicia e o Goberno de España “miran xuntos na mesma dirección, a dirección dun proxecto que compartimos con todas as institucións” e que cualificou de “extraordinario e moi singular”. Esta visión transfronteiriza era unha das prioridades da convocatoria do Campus de Excelencia Internacional agora feita realidade no Campus do Mar. Salustiano Mato e Ángel Gabilondo coincidiron en remarcar que “aquí aparecen unidas as universidades e organismos portugueses e galegos”, cunha presenza e protagonismo enorme de ambas beiras do Miño e esta é “unha posibilidade de enorme referencia, un lectura a nivel europeo, non só fronteiriza e local”.
Con todo, o ministro explicou que estamos “no inicio dunha tarefa, un compromiso e responsabilidade pública” e remarcou que con este Campus do Mar a Universidade de Vigo preséntase publicamente para “liderar un proceso con todas estas institucións que dará como resultado un centro de excelencia internacional e de recoñecemento polas súas investigacións e o seu labor”.