Ofrece información sobre este deporte e sobre os equipos do campus
Nace 'Bajo Palos', a nova revista do rugby ourensán
O primeiro número xa está dispoñible en formato electrónico e en papel
O rugby ourensán está gozando dun momento extraordinario. O Campus Ourense Rugby vén de gañar a Liga Galega, estreáronse as novas instalacións deportivas para a práctica deste deporte no campus e a canteira medra tanto en rapaces como en rapazas. Para continuar esta boa tempada, o Campus Ourense Rugby vén de crear a súa propia revista, chamada Bajo Palos. Cunha periodicidade trimestral, a publicación nace para formar e informar sobre este deporte e para difundir o traballo que realizan os xogadores ourensáns.
Ernesto Barboza, adestrador do Campus Ourense Rugby, explica que a iniciativa “é un proxecto no que levabamos tempo traballando cos obxectivos de visibilizar máis o traballo que estamos facendo, de incrementar os siareiros e de fomentar a práctica deste deporte”. O número cero da publicación xa está dispoñible en formato electrónico na web do equipo. Tamén se editaron 300 exemplares en papel que están sendo repartidos en instalacións deportivas, cafeterías universitarias e espazos similares. Con esta distribución os seus organizadores agardan que a publicación chegue tanto á comunidade universitaria coma aos amantes do deporte e aos compañeiros doutros equipos de rugby.
“Con Bajo Palos queremos conseguir novos espazos de promoción para o rugby que nos permitan transmitir os seus valores e características a través das palabras e as imaxes, non só a través do xogo no campo” explica Barboza. Para acadalo, a revista comeza respostando á pregunta de que é o rugby e páxina a páxina explica dun xeito moi visual diferentes conceptos deste deporte, amosa como coidar as lesións e recolle os resultados das diferentes ligas nas que está presente o rugby ourensán.
Con estes dous referentes, o adestrador salienta que se está consolidando e ampliando a canteira de xogadores e que esta xa está comezando a dar os seus primeiros froitos. Entre eles, Barboza salienta que a pasada fin de semana os equipos cadetes e infantís realizaron a súa primeira xira polo País Vasco. Na súa visita, os ourensáns tiveron a oportunidade de medir o seu xogo co Uribealdea, ao que gañaron 7-12, e de gozar vendo xogar a diferentes equipos vascos. “Con esta iniciativa as categorías inferiores do Campus Ourense Rugby puideron convivir e ter unha fin de semana de rugby, unha experiencia inesquecible para os rapaces que agardamos se poida converter nunha tradición para as categorías do club” explica Barboza.
Ernesto Barboza, adestrador do Campus Ourense Rugby, explica que a iniciativa “é un proxecto no que levabamos tempo traballando cos obxectivos de visibilizar máis o traballo que estamos facendo, de incrementar os siareiros e de fomentar a práctica deste deporte”. O número cero da publicación xa está dispoñible en formato electrónico na web do equipo. Tamén se editaron 300 exemplares en papel que están sendo repartidos en instalacións deportivas, cafeterías universitarias e espazos similares. Con esta distribución os seus organizadores agardan que a publicación chegue tanto á comunidade universitaria coma aos amantes do deporte e aos compañeiros doutros equipos de rugby.
“Con Bajo Palos queremos conseguir novos espazos de promoción para o rugby que nos permitan transmitir os seus valores e características a través das palabras e as imaxes, non só a través do xogo no campo” explica Barboza. Para acadalo, a revista comeza respostando á pregunta de que é o rugby e páxina a páxina explica dun xeito moi visual diferentes conceptos deste deporte, amosa como coidar as lesións e recolle os resultados das diferentes ligas nas que está presente o rugby ourensán.
Valores e canteira
A primeira portada da revista está dedicada a un fito histórico do equipo, a consecución da liga galega de rugby 2010/2011, e a súa carta de presentación salienta outro feito relevante para este deporte na provincia, a inauguración das novas instalacións deportivas exteriores do campus de Ourense, que contan cun campo de futbol-rugby.Con estes dous referentes, o adestrador salienta que se está consolidando e ampliando a canteira de xogadores e que esta xa está comezando a dar os seus primeiros froitos. Entre eles, Barboza salienta que a pasada fin de semana os equipos cadetes e infantís realizaron a súa primeira xira polo País Vasco. Na súa visita, os ourensáns tiveron a oportunidade de medir o seu xogo co Uribealdea, ao que gañaron 7-12, e de gozar vendo xogar a diferentes equipos vascos. “Con esta iniciativa as categorías inferiores do Campus Ourense Rugby puideron convivir e ter unha fin de semana de rugby, unha experiencia inesquecible para os rapaces que agardamos se poida converter nunha tradición para as categorías do club” explica Barboza.