Diario da Universidade de Vigo
800 persoas participarán este domingo na carreira e 200 na andaiana
Os 10 km Cidade Universitaria baten o seu récord de participación con 1000 atletas
A xornada deportiva complétase co partido de rugby do Universidade de Vigo Iveco
Os 10 km Cidade Universitaria baten o seu récord de participación con 1000 atletas
O vicerreitor Xosé Henrique Costas, no centro, cos atletas Solagne Pereira e Pedro Nimo, á súa beira
Imaxe da edición anterior
Plano da carreira
Percorrido da andaina
Os 10 km Cidade Universitaria baten o seu récord de participación con 1000 atletas que converterán o campus de Vigo este domingo 11 de marzo “nunha festa do deporte” como explicaba na presentación da carreira o vicerreitor de Extensión Universitaria e Estudantes, Xosé Henrique Costas. A expectación por esta proba crece cada ano e nesta sexta edición serán 800 os atletas que percorrerán o circuíto de 10 quilómetros que transcorre entre o campus e as instalacións do Círculo Mercantil. Xunto con eles, preto de 200 persoas están inscritas nunha andaina paralela, novidade desta edición, que abre este evento a todo tipo de público e converte ao campus nun referente deportivo durante a fin de semana. O programa do domingo complétase co partido de rugby que enfrontará ao Universidade de Vigo Iveco co Alcobendas nun partido decisivo para tentar acadar a permanencia.
Pero a gran novidade desta sexta edición da proba é a organización paralela dunha andaina que, segundo explicou o vicerreitor Xosé Henrique Costas, será a precursora dunha serie de percorridos e circuítos turísticos e de lecer que se comezarán a organizar en breve no campus”. O obxectivo desta rota a pé é potenciar a práctica habitual do sendeirismo, mellorar a condición física e a saúde da sociedade en xeral converténdose nunha referencia neste tipo de actividades na área de influenza da Universidade e dinamizando as instalacións deportivas da mesma. Para esta primeira edición da andaina a organización xa conta con preto de 200 inscritos, que se veñen a sumar aos 800 da carreira tradicional, que cubriu todas as prazas dispoñibles.
O vicerreitor amosouse moi satisfeito polo crecente interese e aceptación que esperta esta carreira e animou a toda a cidadanía a participar neste tipo de actividades “nas que non só participa máis xente cada ano, senón corredores de máis calidade”. Xunto con el, asistiron á presentación da carreira os atletas Solagne Pereira e Pedro Nimo, participantes ambos en anteriores edicións. Segundo Pereira, trátase dun “circuíto novo, interesante e moi atractivo” que animou a probar, recomendación na que coincidiu con Nimo, que subliñou a importancia de sacar adiante este tipo de iniciativas a pesar de crise económica. “O deporte é saúde e a saúde é aforro”, exemplificaba ao tempo que demandaba que “a tan citada palabra crise” non sexa xustificación para que eventos coma este se deixen de organizar, polo que felicitou á Universidade agardando unha “sétima e oitava edición”.
A entrega de premios terá lugar ás 12.30 horas no teatro Vidal Bolaño da Cidade Universitaria. Todos os participantes recibirán como agasallo unha prenda deportiva conmemorativa, mentres que os tres primeiros clasificados recibirán un premio en metálico de 400, 300 e 200 € respectivamente. Ademais, os asistentes á entrega de premios formarán parte dun sorteo de material deportivo e de lotes de produtos en conserva cedidos por Anfaco, entidade patrocinadora da carreira.
Pero a xornada complétase con actividades de lecer con sorteos e xogos inchables para os máis pequenos ou a actuación do grupo Teatro de CadaQuén. A xornada deportiva continúa co partido da máxima división do rugby nacional que enfrontará ao Universidade de Vigo Iveco co Alcobendas ás 13.00 horas no campus. O broche final será unha comida de confraternidade na que se darán cita tanto os participantes coma os acompañantes da carreira e andaina 10 km Cidade Universitaria.
Novo percorrido e roteiro a pé
A sexta edición dos 10 km Cidade Universitaria inclúe cambios no trazado da proba, incluída no Circuíto de Carreiras Populares de Vigo. Co fin de mellorar o desenvolvemento, o Servizo de Deportes decidiu modificar o percorrido que pasa de tres a dúas voltas de cinco quilómetros entrando nas instalacións da Cidade Deportiva do Círculo Mercantil, o que evita que os primeiros alcancen aos últimos e complique a carreira.Pero a gran novidade desta sexta edición da proba é a organización paralela dunha andaina que, segundo explicou o vicerreitor Xosé Henrique Costas, será a precursora dunha serie de percorridos e circuítos turísticos e de lecer que se comezarán a organizar en breve no campus”. O obxectivo desta rota a pé é potenciar a práctica habitual do sendeirismo, mellorar a condición física e a saúde da sociedade en xeral converténdose nunha referencia neste tipo de actividades na área de influenza da Universidade e dinamizando as instalacións deportivas da mesma. Para esta primeira edición da andaina a organización xa conta con preto de 200 inscritos, que se veñen a sumar aos 800 da carreira tradicional, que cubriu todas as prazas dispoñibles.
O vicerreitor amosouse moi satisfeito polo crecente interese e aceptación que esperta esta carreira e animou a toda a cidadanía a participar neste tipo de actividades “nas que non só participa máis xente cada ano, senón corredores de máis calidade”. Xunto con el, asistiron á presentación da carreira os atletas Solagne Pereira e Pedro Nimo, participantes ambos en anteriores edicións. Segundo Pereira, trátase dun “circuíto novo, interesante e moi atractivo” que animou a probar, recomendación na que coincidiu con Nimo, que subliñou a importancia de sacar adiante este tipo de iniciativas a pesar de crise económica. “O deporte é saúde e a saúde é aforro”, exemplificaba ao tempo que demandaba que “a tan citada palabra crise” non sexa xustificación para que eventos coma este se deixen de organizar, polo que felicitou á Universidade agardando unha “sétima e oitava edición”.
Desenvolvemento da xornada e actividades paralelas
Para o correcto desenvolvemento dunha cita na que se reunirán 1000 persoas, o Servizo de Deportes da Universidade conta con medio cento de voluntario que traballarán arreo para que todo se desenvolva segundo as previsións. Ás 09.30 horas terá lugar a saída da andaina dende a Praza Miralles que percorrerá os 10 quilómetros a pé polo interior do campus universitario chegando ao Parque Forestal de Beade. Ás 11.00 h darase a saída da carreira dende a piscina en todas as categorías establecidas para a proba que dependen da idade, sendo o único requisito ter cumpridos os 18 anos. As modalidades de participación son: júnior, para os nados en 1993 e 1994; promesa, para os nados entre 1990 e 1992; sénior, que inclúe aos que naceron entre o ano 1972 e 1989 e os veteranos, que se dividen entre o grupo A, aqueles que teñen entre 40 e 49 anos e B, de 50 anos ou máis.A entrega de premios terá lugar ás 12.30 horas no teatro Vidal Bolaño da Cidade Universitaria. Todos os participantes recibirán como agasallo unha prenda deportiva conmemorativa, mentres que os tres primeiros clasificados recibirán un premio en metálico de 400, 300 e 200 € respectivamente. Ademais, os asistentes á entrega de premios formarán parte dun sorteo de material deportivo e de lotes de produtos en conserva cedidos por Anfaco, entidade patrocinadora da carreira.
Pero a xornada complétase con actividades de lecer con sorteos e xogos inchables para os máis pequenos ou a actuación do grupo Teatro de CadaQuén. A xornada deportiva continúa co partido da máxima división do rugby nacional que enfrontará ao Universidade de Vigo Iveco co Alcobendas ás 13.00 horas no campus. O broche final será unha comida de confraternidade na que se darán cita tanto os participantes coma os acompañantes da carreira e andaina 10 km Cidade Universitaria.