Diario da Universidade de Vigo
A Escola Infantil do campus presentou este xoves a súa memoria de actividades
Pero canto traballamos este curso!
Os nenos e nenas fixeron un repaso polos fitos máis destacados na programación
A Escola Infantil do campus presentou este xoves a súa memoria de actividades
Os nenos e nenas fixeron un repaso en imaxes polas actividades máis destacadas na programación
María Lameiras e Alberto Vaquero, acompañados polos nenos e nenas do centro, destacaron o excelente traballo realizado polas docentes da Escola Infantil do campus
Recibiron a visita de bombeiros, policías nacionais e Papá Noel; saíron de excursión ao supermercado e a coller un autobús urbano; celebraron o Entroido, o Samaín e o Nadal, tiveron o seu propio acto de graduación e foron moitas as fichas, os contos e os xogos realizados na aula. A Escola Infantil do campus pechou este xoves o curso académico 2012/2013 presentado a súa memoria de actividades e lembrando cos nenos e nenas e cos pais e nais o traballo realizado no seu primeiro ano en funcionamento.
“A Escola Infantil é un orgullo para este campus. Fixestes un gran traballo, tanto os nenos e nenas como as profesoras. Agora é o momento de aproveitar as vacacións e de divertirse na praia e no río. Que teñades un bo verán e vémonos á volta”, díxolles María Lameiras, vicerreitora do campus de Ourense, ao alumnado e ás responsables da gardería universitaria presentes. “Especialmente é de salientar o excelente traballo desenvolvido polas docentes do centro, que teñen demostrado unha enorme profesionalidade”, subliñou Alberto Vaquero, director de Área de Descentralización do campus e pai dunha das nenas da Escola Infantil ourensá.
O vindeiro curso académico, que comezará en setembro, a Escola Infantil volverá a abrir as súas portas aos nenos e nenas de ata tres anos, fillos e fillas dos membros da comunidade universitaria e de cidadáns de Ourense en xeral. En total, o centro oferta 41 prazas, oito para bebés de ata un ano, 13 para nenos e nenas de un a dous anos e 20 prazas para cativos e cativas de dous a tres anos. Durante o curso e desde o seu edificio situado no corazón do campus, o alumnado da gardería volverá a ser un ano máis os nenos e nenas minados da comunidade universitaria ourensá.
“A Escola Infantil é un orgullo para este campus. Fixestes un gran traballo, tanto os nenos e nenas como as profesoras. Agora é o momento de aproveitar as vacacións e de divertirse na praia e no río. Que teñades un bo verán e vémonos á volta”, díxolles María Lameiras, vicerreitora do campus de Ourense, ao alumnado e ás responsables da gardería universitaria presentes. “Especialmente é de salientar o excelente traballo desenvolvido polas docentes do centro, que teñen demostrado unha enorme profesionalidade”, subliñou Alberto Vaquero, director de Área de Descentralización do campus e pai dunha das nenas da Escola Infantil ourensá.
Os que marchan para o "colexio dos maiores"
O alumnado máis pequeno de idade e de altura do campus de Ourense puido, fotografía a fotofrafía, facer un repaso pola programación levada a cabo ao longo do ano e lembrar todos os bos momentos compartidos xuntos. A todos eles e elas as súas profesoras quixeron darlles as grazas por ter compartido con elas este anaco da súa vida no que aprenderon tantas cousas. Destacando o especial que é cada un destes cativos e cativas, Bibiana González e Susana e Susana Sotelo desexáronlle aos rapaces e rapazas que agora deixan a gardería que a súa entrada no "colexio dos maiores" sexa tan frutífera e feliz como foi o seu paso pola Escola Infantil. “Agora algúns marchades para o "colexio dos maiores", pero dentro de moitos anos, agardamos que volvades aquí para estudar no "colexio dos maiores maiores", na universidade”, dexesou María Lameiras.O vindeiro curso académico, que comezará en setembro, a Escola Infantil volverá a abrir as súas portas aos nenos e nenas de ata tres anos, fillos e fillas dos membros da comunidade universitaria e de cidadáns de Ourense en xeral. En total, o centro oferta 41 prazas, oito para bebés de ata un ano, 13 para nenos e nenas de un a dous anos e 20 prazas para cativos e cativas de dous a tres anos. Durante o curso e desde o seu edificio situado no corazón do campus, o alumnado da gardería volverá a ser un ano máis os nenos e nenas minados da comunidade universitaria ourensá.