Diario da Universidade de Vigo
Piuvi-Tecnópole ofrece catro espazos de balde para os mellores proxectos emprendedores
O prazo para apuntarse á preincubadora do campus acaba o 29 de xuño
Poden presentar as súas propostas os membros da comunidade universitaria e novos egresados
Piuvi-Tecnópole ofrece catro espazos de balde no Parque Tecnolóxico de Galicia para os mellores proxectos emprendedores
Se formas parte da comunidade universitaria ou es un novo egresado, se tes unha idea de negocio que pensas que ten viabilidade e se precisas un pouco de axuda para botar andar o teu proxecto emprendendor unha opción que tes á túa disposición é apuntarte á Piuvi-Tecnópole. A preincubadora da Universidade de Vigo no campus de Ourense ten aberta ata o 29 de xuño a convocatoria para a presentación de propostas para ocupar un dos catro primeiros espazos de balde que ofrece no Parque Tecnolóxico de Galicia.
A convocatoria da Piuvi-Tecnópole convida a estudantes e novos titulados a presentar proxectos emprendedores relacionados con calquera das ramas do coñecementos dos estudos da Universidade de Vigo. Entre as ideas que se presenten, e tras unha entrevista persoal e a valoración do proxecto por parte dunha comisión, elixiranse catro para arrancar a actividade da preincubadora universitaria. Os proxectos poderán ser elaborados individualmente ou en grupos dun máximo de catro estudantes, que deberán presentar, entre outra documentación, a descrición da idea emprendedora, o currículo de todos os solicitantes e unha carta de interese na que xustifiquen a súa motivación para participación nesta convocatoria, así como as súas expectativas en caso de resultar gañadores.
Na valoración das propostas a comisión de selección premiará criterios como o carácter innovador do proxecto, o seu nivel de desenvolvemento e a súa viabilidade; o potencial internacional e de creación de emprego; o aproveitamento dos recursos dispoñibles; a sustentabilidade e responsabilidade social do negocio e o nivel de implicación real dos promotores.
"O obxectivo de Piuvi-Tecnópole é converterse nun espazo para o emprendemento de proxectos empresariais de base cientifico-tecnolóxica, realizados por membros da nosa comunidade universitaria, que deste xeito poderán botar a andar as súas ideas nunha contorna protexida”, explica María Lameiras, vicerreitora do campus de Ourense. Para conseguilo acadaron a implicación de tres entidades coas que a Universidade de Vigo ten asinados convenios de colaboración, como son o Parque Tecnolóxico de Galicia-Tecnópole, a Cámara de Comercio e Industria de Ourense e a Confederación de Empresarios de Ourense.
A convocatoria da Piuvi-Tecnópole convida a estudantes e novos titulados a presentar proxectos emprendedores relacionados con calquera das ramas do coñecementos dos estudos da Universidade de Vigo. Entre as ideas que se presenten, e tras unha entrevista persoal e a valoración do proxecto por parte dunha comisión, elixiranse catro para arrancar a actividade da preincubadora universitaria. Os proxectos poderán ser elaborados individualmente ou en grupos dun máximo de catro estudantes, que deberán presentar, entre outra documentación, a descrición da idea emprendedora, o currículo de todos os solicitantes e unha carta de interese na que xustifiquen a súa motivación para participación nesta convocatoria, así como as súas expectativas en caso de resultar gañadores.
Na valoración das propostas a comisión de selección premiará criterios como o carácter innovador do proxecto, o seu nivel de desenvolvemento e a súa viabilidade; o potencial internacional e de creación de emprego; o aproveitamento dos recursos dispoñibles; a sustentabilidade e responsabilidade social do negocio e o nivel de implicación real dos promotores.
Unha oficina de balde
A cada un dos catro proxectos elixidos a Tecnópole asignaralle nas súas instalacións un espazo por un período de 6 meses, prorrogable ata un ano. Esta asignación consistirá nunha subvención do 100% do canon de uso das infraestruturas, é dicir, dispoñer de balde dunha oficina de aproximadamente 20 metros cadrados, de electricidade, dunha liña telefónica con ata 25 euros mensuais de consumo e dunha rede de ata 5 GB de tráfico. Ademais, os beneficiarios terán a posibilidade, tamén de xeito gratuíto, de aproveitar as actividades de formación e asesoramento ofertados pola Cámara de Comercio e Industria de Ourense e pola Confederación de Empresarios de Ourense."O obxectivo de Piuvi-Tecnópole é converterse nun espazo para o emprendemento de proxectos empresariais de base cientifico-tecnolóxica, realizados por membros da nosa comunidade universitaria, que deste xeito poderán botar a andar as súas ideas nunha contorna protexida”, explica María Lameiras, vicerreitora do campus de Ourense. Para conseguilo acadaron a implicación de tres entidades coas que a Universidade de Vigo ten asinados convenios de colaboración, como son o Parque Tecnolóxico de Galicia-Tecnópole, a Cámara de Comercio e Industria de Ourense e a Confederación de Empresarios de Ourense.