Diario da Universidade de Vigo
Pontismo, ciclismo, paracaidismo e parapente no mes de abril
O programa Delecer ofrece unha primavera de altos voos
O día 5 abre o prazo de matrícula para estas actividades ao aire libre
Que mellor xeito de espertar do duro inverno que un programa de activades de lecer cargado de adrenalina. Isto é o que ofrece todas as primaveras o Servizo de Deportes da Universidade a través do programa Delecer, que durante os meses de abril e maio comprende unha serie de actividades deportivas e de lecer ao aire libre destinadas á comunidade universitaria. Desta volta, o programa inclúe unha serie de actividades principalmente de altos voos, con excepción dos percorridos en bicicleta pola beira do río Miño, entre Valença e Monçao. A oferta complétase coas actividades aéreas que se veñen desenvolvendo nos últimos anos e que acadan moi boa acollida como son o pontismo, o parapente e o paracaidismo.
Xa cos pés no chan, Delecer inclúe roteiros en bicicleta que transitarán pola ecopista do río Miño ao longo de 32 quilómetros. As datas fixadas inicialmente son o 15 de abril e 5 de maio e os prezos varían entre os 10 e os 13 euros segundo se trate de membros da comunidade universitaria, usuarios da tarxeta deportiva e persoas alleas á institución académica.
O prazo de matrícula ábrese o vindeiro 5 de marzo a toda a comunidade universitaria, sempre que sexan maiores de 18 anos, e que poderán asistir acompañados dun usuario externo.
Do ceo á terra
Para desentumecerse do inverno, Delecer mira ao ceo e, nesta décimo segunda edición, ofrece a oportunidade de iniciarse en tres actividades aéreas: pontismo, parapente e paracaidismo. Para a primeira fixáronse tres datas, 14 de abril e 12 e 26 de maio e a cita será sobre o río Miño, no concello de Arbo, cun prezo que varía entre os 21 e os 30 euros. Para o parapente haberá que trasladarse a Santa María de Oia o 24 marzo, o 21 de abril ou o 5 de maio, cunha matrícula entre 31 e 42 euros. Finalmente, e antes de baixar á terra, Delecer oferta tamén saltos en paracaídas os días 28 e 29 de abril e o 19 e 20 de maio. O avión do que se realizará o salto despegará do aeródromo de Palmeira, en Braga, e o prezo oscila entre 153 euros e 185 €.Xa cos pés no chan, Delecer inclúe roteiros en bicicleta que transitarán pola ecopista do río Miño ao longo de 32 quilómetros. As datas fixadas inicialmente son o 15 de abril e 5 de maio e os prezos varían entre os 10 e os 13 euros segundo se trate de membros da comunidade universitaria, usuarios da tarxeta deportiva e persoas alleas á institución académica.
O prazo de matrícula ábrese o vindeiro 5 de marzo a toda a comunidade universitaria, sempre que sexan maiores de 18 anos, e que poderán asistir acompañados dun usuario externo.