Diario da Universidade de Vigo
O Reitor da Universidade Autónoma de Madrid, novo presidente da CRUE
Ángel Gabilondo era vicepresidente do anterior Comité Permanente
A Conferencia de Reitores das Universidades de España elixiu este martes ao seu novo presidente, Ángel Gabilondo, Reitor da Universidade Autónoma de Madrid.
Gabilondo, que foi o único candidato que se presentou ás eleccións, contou co respaldo de 58 votos dos 62 asistentes á Asemblea Xeral.
No seu novo cargo estará acompañado dun Comité Permanente do que forman parte como vicepresidentes Màrius Rubiralta i Alcañiz, Reitor da Universitat de Barcelona e Federico Gutiérrez – Solana Salcedo, Reitor da Universidade de Cantabria. Como vogais, formarán parte da directiva Senén Barro, Reitor da Universidade de Santiago de Compostela, Adelaida de la Calle, Reitora da Universidade de Málaga, Montserrat Casas, Reitora da Universitat de les Illes Balears, e Esther Giménez-Salinas, Reitora da Universitat Ramon Llull.
Ángel Gabilondo Pujol, nado en San Sebastián en 1949, é Reitor da
Universidade Autónoma de Madrid dende maio 2002. Catedrático de Metafísica, é profesor na Facultade de Filosofía e Letras, onde cursou os seus estudos de licenciatura e de doutoramento presentando unha tese sobre Hegel. Entre os anos 1989 e 1992 foi decano de dese mesmo centro. Ata este momento é presidente da Conferencia de Reitores das Universidades de Madrid, CRUMA e era vicepresidente da CRUE.