O rock únese á celebración dos 25 anos de Organización Industrial
Os grupos Gold Fox e The Inspectors ofreceron unha tarde de música no Vidal Bolaño
Ás conferencias, mesas redondas e relatorios únese tamén a música dentro do programa de actos para celebrar os 25 anos da titulación de Organización Industrial. As actuación de Gold Fox e The Inspectors, inseridas tamén dentro da programación cultural da Vicerreitoría de Extensión Universitaria, encheron o teatro Vidal Bolaño de Cidade Universitaria de sons actuais e revisións de clásicos do rock, nunha mostra máis do apoio que a Universidade de Vigo presta ás banda emerxentes.
Os primeiros en subirse ao escenario foron Gold Fox, grupo composto por catro afeccionados ao rock que quixeron levar o seu interese por este estilo un paso máis aló converténdose nunha banda. Na súa traxectoria tentaron buscar un estilo propio dentro dos sons do rock máis clásico, imprimíndolle a cada canción un ritmo diferente. Gold Fox son de Vigo e a banda está formada por catro amigos, Juan, batería e cantante, Santi, guitarra, Edu, baixo e coros e Fredy, guitarra solista forman parte dun proxecto no que priman as risas e o compañeirismo.
Tras eles, The Inspectors ofreceron un repertorio que se inclina máis cara o punk e os ritmos da música dos anos 70, unha música bailable e cun estilo moi característico. Asentado entre A Guarda e Vigo, o grupo naceu a principio do 2008 e del forman parte Rubén, voz, Alejo, guitarra e coros, Tito, guitarra e coros, Miguel, baixo e Carlos na batería. A compenetración dos seus gustos musicais axuda a que todo o seu traballo conte cun estilo propio e ben definido. Unha pequena parte do seu traballo foi gravada nos estudios Metrópolis.
Pola súa banda, a programación cultural para o primeiro cuadrimestre retómase a vindeira semana con teatro. Será o día 11 ás 18.30 horas coa compañía La Jarana Teatro que porán en escena Mi cuerpo es mío no Teatro Vidal Bolaño.
Os primeiros en subirse ao escenario foron Gold Fox, grupo composto por catro afeccionados ao rock que quixeron levar o seu interese por este estilo un paso máis aló converténdose nunha banda. Na súa traxectoria tentaron buscar un estilo propio dentro dos sons do rock máis clásico, imprimíndolle a cada canción un ritmo diferente. Gold Fox son de Vigo e a banda está formada por catro amigos, Juan, batería e cantante, Santi, guitarra, Edu, baixo e coros e Fredy, guitarra solista forman parte dun proxecto no que priman as risas e o compañeirismo.
Tras eles, The Inspectors ofreceron un repertorio que se inclina máis cara o punk e os ritmos da música dos anos 70, unha música bailable e cun estilo moi característico. Asentado entre A Guarda e Vigo, o grupo naceu a principio do 2008 e del forman parte Rubén, voz, Alejo, guitarra e coros, Tito, guitarra e coros, Miguel, baixo e Carlos na batería. A compenetración dos seus gustos musicais axuda a que todo o seu traballo conte cun estilo propio e ben definido. Unha pequena parte do seu traballo foi gravada nos estudios Metrópolis.
Próxima xornada de aniversario
O programa de actos do 25 aniversario de Organización Industrial rematará o vindeiro 26 de novembro cunha xornada no salón de actos da escola dedicada aos enxeñeiros de organización e a alta dirección. Na mesa redonda participarán representantes de empresas da relevancia de Castrosúa, PSA Peugeot Citroën, Inditex ou Caramelo.Pola súa banda, a programación cultural para o primeiro cuadrimestre retómase a vindeira semana con teatro. Será o día 11 ás 18.30 horas coa compañía La Jarana Teatro que porán en escena Mi cuerpo es mío no Teatro Vidal Bolaño.