Diario da Universidade de Vigo
Alumnado do Escola de Enxeñaría Forestal realiza prácticas virtuais das tarefas habituais no monte g
A tala e extracción de madeira, tamén nos simuladores
Ao abeiro do acordo asinado pola Universidade con Confemadera Hábitat Galicia
Alumnado do Escola de Enxeñaría Forestal realiza prácticas virtuais das tarefas habituais no monte galego
Ao abeiro do acordo asinado pola Universidade con Confemadera Hábitat Galicia
As prácticas formativas continuarán ao longo do curso
Todos estamos acostumados a oír falar de simuladores de voo, de condución, de navegación, pero a tecnoloxía virtual chega tamén a sectores como o da madeira, converténdose nun importante apoio para a formación dos futuros enxeñeiros e enxeñeiras forestais. Con este obxectivo, un primeiro grupo de estudantes da Escola de Enxeñaría Forestal puideron xa tomar contacto con estes simuladores de procesadoras e autocargadores forestais, grazas ao convenio asinado hai unhas semanas entre a Universidade e Confemadera Hábitat Galicia.
Nesta primeira visita ao centro Integrado de Formación Profesional en Santiago de Compostela, estes alumnos puideron realizar prácticas sobre labores de tala e extracción da madeira, habituais no monte galego. A través destes simuladores puideron practicar habilidades tanto no manexo de maquinaria pesada como nas técnicas de planificación da tala para a optimización do seu rendemento. Dende Confemadera Hábitat Galicia estiman que nos montes galegos traballan arredor de 100 procesadoras e a mecanización das cortas supuxo un cambio substancial de cara á modernización dos labores de tala e extracción da madeira que se realiza en Galicia.
Esta actividade enmárcase no convenio marco de colaboración que asinaron a principios do mes de marzo, Confemadera Hábitat Galicia e a Escola de Enxeñería Forestal do campus de Pontevedra que ten como obxectivo promover a formación do alumnado en contacto directo coas empresas e as novas tecnoloxías que se manexan nesta industria. Precisamente, este simulador é unha cesión da Consellería de Traballo e Benestar a Confemadera Hábitat Galicia, ao abeiro dun acordo polo cal tamén se ceden as instalacións do centro Integrado de Formación Profesional de Santiago para impartir formación especializada, a través de exercicios prácticos.
Nesta primeira visita ao centro Integrado de Formación Profesional en Santiago de Compostela, estes alumnos puideron realizar prácticas sobre labores de tala e extracción da madeira, habituais no monte galego. A través destes simuladores puideron practicar habilidades tanto no manexo de maquinaria pesada como nas técnicas de planificación da tala para a optimización do seu rendemento. Dende Confemadera Hábitat Galicia estiman que nos montes galegos traballan arredor de 100 procesadoras e a mecanización das cortas supuxo un cambio substancial de cara á modernización dos labores de tala e extracción da madeira que se realiza en Galicia.
Moderna tecnoloxía 3D
O simulador forestal empregado polo alumnado foi deseñado pola empresa británica Komasut, pioneira na tala mecanizada, e é de última xeración. Conta cun sistema multipantalla e permite a simulación en diferentes escenarios, mediante o uso dunha plataforma móbil oscilante que recrea as pendentes e os distintos tipos de terreo do monte galego. Polas súas características é único en España.Esta actividade enmárcase no convenio marco de colaboración que asinaron a principios do mes de marzo, Confemadera Hábitat Galicia e a Escola de Enxeñería Forestal do campus de Pontevedra que ten como obxectivo promover a formación do alumnado en contacto directo coas empresas e as novas tecnoloxías que se manexan nesta industria. Precisamente, este simulador é unha cesión da Consellería de Traballo e Benestar a Confemadera Hábitat Galicia, ao abeiro dun acordo polo cal tamén se ceden as instalacións do centro Integrado de Formación Profesional de Santiago para impartir formación especializada, a través de exercicios prácticos.