Desenvolvido polos irmáns Plácido José e Florentino Míguez Durán
A USC premia un proxecto de enxeñeiros vigueses para a fabricación de furgóns eléctricos
No XII Concurso de Ideas Empresariais Innovadoras da Universidade de Santiago de Compostela
O proxecto para a fabricación de furgóns ou vehículos eléctricos lixeiros para uso profesional, valeulles aos enxeñeiros industriais da Universidade de Vigo, Plácido José e Florentino Míguez Durán un dos cinco galardóns do XII Concurso de Ideas Empresariais Innovadoras da Universidade de Santiago de Compostela. Dotado con 600 euros, o premio dos irmáns Míguez Durán, súmase a outros catro proxectos presentados por emprendedores e emprendedoras das facultades de Bioloxía e Ciencias Políticas da USC, centrados no cultivo de cogomelos sobre substrato de pousos de café; a elaboración de vinagre balsámico; o desenvolvemento dun software de rastreo documental e na aprendizaxe a través do xogo cun programa de ordenador.
Un total de 241 ideas presentáronse á convocatoria na que o xurado presidido polo vicerreitor de Investigación e Innovación da USC, Francisco González, valorou a viabilidade empresarial, o carácter innovador, o grao de madurez, o mercado e a aplicación de políticas de igualdade. Ademais do premio en metálico os e as gañadoras poderán realizar un seminario de formación de planificación empresarial para converter as súas ideas en proxectos empresariais.
Un total de 241 ideas presentáronse á convocatoria na que o xurado presidido polo vicerreitor de Investigación e Innovación da USC, Francisco González, valorou a viabilidade empresarial, o carácter innovador, o grao de madurez, o mercado e a aplicación de políticas de igualdade. Ademais do premio en metálico os e as gañadoras poderán realizar un seminario de formación de planificación empresarial para converter as súas ideas en proxectos empresariais.