Persoal investigador visitante
Aquí atoparás o teu Welcome Pack con todo o que precisas para coñecer a nosa comunidade, preparar a túa chegada e aproveitar ao máximo a túa estancia connosco.
Información xeral
Aquí atoparás unha mensaxe de benvida da nosa vicerreitora, información clave sobre a universidade, o noso compromiso coa excelencia en RR. HH. na investigación e os servizos que ofrece a nosa Euraxess Welcome Office, así como os seus datos de contacto.
Nesta sección atoparás todo o que precisas para instalarte: desde rexistrarte na UVigo e xestionar o visado, o permiso de residencia e o seguro de saúde, ata recoñecer as túas cualificacións estranxeiras, atopar aloxamento e matricular as túas crianzas en centros educativos locais, se procede.
Nesta sección inclúense todos os aspectos esenciais para os teus primeiros pasos: desde os trámites de inmigración, rexistro na cidade e apertura dunha conta bancaria, ata comprender as obrigas fiscais, obter un certificado dixital e participar en cursos de lingua española ou galega. Tamén atoparás información sobre aloxamento e sobre a matrícula de crianzas en centros educativos locais, se procede.
Descubre todo o que che pode ofrecer o día a día na UVigo! Esta sección inclúe información sobre como desprazarte en transporte público, mapas dos campus e todos os servizos que che facilitarán a vida: desde os servizos informáticos, a tarxeta universitaria intelixente e a aplicación UVigo ata a biblioteca, os comedores e as instalacións deportivas e de benestar. Tamén atoparás detalles sobre os nosos servizos de diversidade, igualdade e saúde, cursos de idiomas e actividades culturais.
Nesta sección atoparás todo o relacionado coa investigación na UVigo: desde ética, protección de datos e propiedade intelectual, ata transferencia de coñecemento, ciencia aberta e comunicación científica. Tamén se inclúe información sobre servizos e recursos de investigación, normas e formularios, oportunidades de desenvolvemento profesional e o sistema para presentar queixas, suxestións ou felicitacións.
Coñece a nosa universidade e a súa contorna! Nesta sección, podes descubrir as cidades de Vigo, Ourense e Pontevedra, e coñecer mellor a fermosa rexión de Galicia.
Nesta sección guiarémoste por todos os pasos que precisas seguir para que a túa saída sexa sinxela e sen estrés.