Igualdade
Unha universidade para todas e todos
A Universidade de Vigo ten como prioridade, en liña coa Axenda 2030, favorecer a cultura do respecto, da igualdade e da inclusión, garantindo que todas as persoas que conforman a nosa comunidade poidan desenvolver a súa actividade académica e laboral con dignidade e nun espazo libre de violencias de xénero e de máximo respecto dos dereitos humanos.
Políticas de igualdade
Co obxectivo de acadar a excelencia universitaria, a Unidade de Igualdade constitúe o instrumento político responsable da incorporación transversal do principio de igualdade efectiva entre mulleres e homes. Para isto, promove medidas que garantan a igualdade de condicións e realiza o seguimento e cumprimento da lexislación e dos plans que se adoptan.
Afondar na igualdade
Dispomos dunha serie de ferramentas para facilitar a toda a comunidade universitaria a introdución da perspectiva de xénero na súa actividade docente, investigadora e de xestión.
Prevención de acoso sexual e por razón de sexo
O compromiso que temos como institución pública é a consolidación dun entorno no que se respecte a dignidade de todas as persoas integrantes da súa comunidade, non tolerando dentro do seu ámbito ningún tipo de comportamento de acoso sexual ou por razón de sexo.
Boletín informativo e recursos
Consulta o noso boletín informativo, ferramentas, ligazóns de interese... todos os recursos á túa disposición.