“Rede de universidades, rede de oportunidades” é o lema de Universia, entidade da que falou a súa responsable de emprego, Manuela Iniesta, na segunda xornada do Forumemprego 2010, celebrada no campus de Pontevedra e para a que se matricularon 130 persoas. Iniesta presentou os seus portais de busca de prácticas e emprego: Universia Emplea, Feria Virtual e Práctica Erasmus. Pola súa parte, María Teresa Deus Trasobares, directora do Centro de Emprego do Concello de Ferrol, falou dalgúns programas europeos de cooperación transfronteiriza como oportunidades de emprego. Outros profesionais informaron aos estudantes do programa Erasmus, do servizo europeo público de emprego, do portal Eures ou de como facer un currículo Europass.
24/02/2010