Música para traballar, para namorar, para criticar, para divertirse, para expresarse. A música é unha forte canle de comunicación en calquera pobo e no caso dos países lusófonos un vínculo máis de unión cultural. A segunda edición de Portugués Perto, organizada pola Vicerreitoría do campus de Ourense para estreitar os lazos dos países galego e luso falantes, afondou este martes nesta arte a través dun obradoiro de percusión brasileira e galega e dun concerto de Fran Pérez Narf, no que ofreceu as súas particulares Cancións da lingua viaxeira. O mércores e xoves será a quenda de Aline Frazao, Terra Morena e Os Andarilhos
08/05/2012