A programación cultural da Extensión Universitaria da UVigo para este cuadrimestre inclúe o Ciclo de Cine e Lingua, un evento que conta co apoio do Centro de Linguas da Universidade de Vigo. Esta décimo primeira edición céntrase na proxección de películas en VO en inglés con subtítulos en español.

O ciclo de cine en versión orixinal finaliza este 11 de decembro coa proxección de Good Vibrations, película dirixida por Lisa Barros D’Sa e Glenn Leyburn no 2012. Este filme é unha crónica sobre a vida do protagonista Terry Hooley, dono dunha tenda de discos que se converte en produtor dos primeiros grupos de punk underground de Belfast.