Vicerrectorado del Campus de Pontevedra

É profesora da Universidade de Vigo desde 2003 na Área de Educación Física e Deportiva. Conta cunha traxectoria docente e investigadora centrada nas actividades rítmico expresivas, a alfabetización física e a perspectiva de xénero nos deportes artísticos. 

Ao longo da súa carreira publicou en revistas científicas de referencia e desenvolveu materiais docentes en acceso aberto, contribuíndo á innovación educativa tanto no ámbito do adestramento deportivo como na formación do profesorado e nos programas STEMbach.

Mantén unha destacada colaboración con institucións públicas e privadas, especialmente coa Federación Galega de Ximnasia, así como en iniciativas vinculadas ao rural galego e á promoción da igualdade. 

No ámbito da xestión universitaria, ocupou diversos cargos de responsabilidade, entre eles a dirección de departamento e a coordinación de mestrados. Actualmente é secretaria do Instituto de Investigación de Ciencias do Deporte (Cidega).

A súa traxectoria reflicte un forte compromiso coa universidade pública como motor de formación, innovación e transformación social, ao combinar a docencia, a investigación e a transferencia de coñecemento.

• A representación ordinaria da Universidade de Vigo no ámbito territorial do campus de Pontevedra, sen prexuízo das competencias propias da reitora.
• A coordinación xeral das actuacións desenvolvidas no campus de Pontevedra polas distintas estruturas académicas, investigadoras, administrativas e de servizos da universidade, sen prexuízo das competencias atribuídas aos restantes órganos de goberno.
• A planificación, impulso e coordinación das accións orientadas ao desenvolvemento estratéxico, á proxección institucional e á promoción do campus de Pontevedra, de acordo coa estratexia xeral da universidade.
• O exercicio das competencias derivadas dos procesos de descentralización administrativa e funcional no ámbito do campus de Pontevedra, en coordinación coas vicerreitorías e coa Xerencia no exercicio das súas respectivas competencias.
• O desenvolvemento das relacións institucionais, en representación da reitora, coas administracións públicas, entidades sociais, organizacións empresariais e demais axentes do territorio vinculados ao campus de Pontevedra, así como a sinatura dos convenios, protocolos, acordos e demais instrumentos de colaboración relacionados coas materias obxecto desta delegación, cando así proceda.
• A dirección e coordinación das políticas e actuacións vinculadas ao Campus Crea, no marco das políticas xerais da universidade para os seus campus de especialización e en coordinación coas vicerreitorías competentes por razón da materia.
• O impulso da cooperación institucional, científica e tecnolóxica con universidades, centros de investigación e demais entidades de ámbito autonómico, nacional e internacional vinculadas aos ámbitos de especialización do Campus Crea e ao desenvolvemento estratéxico do campus de Pontevedra.
• A promoción da transferencia do coñecemento, da innovación, da valorización da investigación, do emprendemento e da colaboración co tecido socioeconómico no ámbito do campus de Pontevedra, incluídas as cátedras promovidas en colaboración con entidades públicas e privadas, contribuíndo ao desenvolvemento do ecosistema de innovación e ao desenvolvemento do territorio, en coordinación coas vicerreitorías competentes por razón da materia.
• As relativas á tramitación de proxectos de investigación de ámbito autonómico e estatal, así como dos contratos ao abeiro do artigo 60 da LOSU, no ámbito de influencia do campus de Pontevedra, en coordinación coa Vicerreitoría de Investigación e coa Vicerreitoría de Transferencia, Innovación e Impacto Social.
• A convocatoria, resolución e xestión das bolsas, axudas e programas propios vinculados ás materias obxecto desta delegación, así como a realización dos actos administrativos derivados delas.

Miguel Ángel Cabañas Díaz
Secretaría
+34 986 802 080
vic.pon@uvigo.gal