No marco da novena edición da Máster Class Audiovisual Galego Augal, que os profesores Miguel Anxo Fernández e Paulino Pérez promoven co patrocinio da Axencia Galega das Industrias Culturais (Agadic), o plató de cine da Facultade de Ciencias Sociais e da Comunicación acolle a proxección da longametraxe documental Gallo, complementada cun coloquio co seu produtor executivo, Sergio Frade, que será presentado pola profesora Silvia García Mirón.