Continúa o ciclo Docs del mes coa proxección do documental Los Reyes, da directora chilena Bettina Perut e codirixido polo tamén chileno Iván Osnovikoff. O documental transporta aos espectadores a Los Reyes, o skatepark máis antigo de Santiago de Chile, onde dous cans, Fútbol e Chola, converten este espazo no seu fogar e campo de xogos. Coas imaxes sempre centradas nos dous cadelos, nos seus xogos e forma de vida, o documenal aproveita o son para narrar as historias dos adolescentes que patinan no parque.