A Escola de Enxeñaría Forestal acolle a exposición O herbario de Rosalía, conformada por 40 imaxes de especies vexetais mencionadas na obra de Rosalía de Castro. Resultado do traballo da filóloga María López, a botánica María Isabel Fraga e o fotógrafo Miguel Fraga, esta exposición é froito da colaboración entre a Vicerreitoría de Extensión Universitaria, a Área de Normalización Lingüística da UVigo, as vicerreitorías dos campus de Ourense e Pontevedra e a Fundación Rosalía de Castro. Tras o seu paso por Ourense, poderá verse na EE Forestal ata o 26 de abril e exhibirase a continuación no campus vigués.