A programación da XXIII Mostra Internacional de Teatro Universitario de Vigo, Miteu 2021 finaliza coa representación de TIC-TAC, unha obra dos anfitrións, a Aula de teatro universitaria de Vigo, escrita por Suso de Toro e dirixida por Sonia Rúa e Casilda Alfaro. A obra amosa unha visión lúdica e tráxica da existencia a través de diferentes escenas da vida do protagonista, Nano, que regresa a súa casa para atoparse cos recordos do pasado. 

Ante a actual situación sanitaria, para acudir ás representacións é necesario reservar a butaca enviando un correo electrónico a extensión@uvigo.gal ou a través do teléfono 986.813.626 ata as 13.00 horas do día da función.