A Unidade de Igualdade organiza o ciclo de faladoiros Bibliolab, no que busca dar a coñecer os contidos dalgúns dos libros que abordan a temática da violencia machista. Na Casa das Campás do campus de Pontevedra terá lugar a terceira cita, desta volta arredor do libro de Margaret Atwood O conto da criada, nun debate no que participarán Celia Recarey, tradutora ao galego desta distopía, a profesora da UVigo Amada Traba e Andrea Barreira, da Libraría Lila.