O Museo do Mar exporá os resultados das campañas de investigación biolóxica
Un altofalante para as actividades do campus máis excelente
Un gabinete científico dará carácter estrutural a todas as iniciativas divulgativas do Campus do Mar
Noemí Rey | Vigo
Unha aposta pola investigación mariña co Campus do Mar como paraugas. Esta é a idea coa que nace o gabinete científico do Museo do Mar de Galicia, unha sala de preto de 150 metros cadrados que acollerá os resultados das campañas de investigación biolóxica desenvolvidas polas institucións científicas galegas e que “anticipará unha infraestrutura de divulgación” a todas as iniciativas relacionadas co Campus de Excelencia Internacional da Universidade de Vigo. “Cando comezamos a traballar sobre a candidatura do Campus do Mar xurdiu a idea de crear un espazo no propio museo onde tiveran cabida os traballos de campo da universidade, do CSIC ou de calquera institución ligada. É un camiño a longo prazo”, explica Pablo Carrera, director do Museo do Mar, que presentou hoxe a nova programación desta institución para o ano 2011.
O gabinete científico vaise a estrear coa ordenación dos fondos sobre especies ictiolóxicas en Terranova, Galicia e Liberia do Instituto de Investigacións Mariñas do CSIC, recollidas na campaña máis exhaustiva levada a cabo neste caladoiro, e coa posta en valor das coleccións de invertebrados del Hatton Bank, no Mar do Norte, un traballo que contribuíu enormemente á concienciación da comunidade científica mundial sobre a enorme biodiversidade desa área. A idea é facer este tipo de investigacións máis atractivas para o público, que “o espazo sexa renovado en función dos proxectos divulgativos que vaian xurdindo co Campus do Mar” e darlle “certo carácter estrutural” a todo o que se move ao seu redor. A programación tamén contará con obradoiros ligados directa ou indirectamente a proxectos de investigación.
A sala, ampla e situada no centro do Museo do Mar, será unha zona de acceso gratuíto para todos os visitantes, que poderán visitala independentemente de que despois queiran acceder á zona coa exposición permanente e de pago coas que conta o museo.
Unha aposta pola investigación mariña co Campus do Mar como paraugas. Esta é a idea coa que nace o gabinete científico do Museo do Mar de Galicia, unha sala de preto de 150 metros cadrados que acollerá os resultados das campañas de investigación biolóxica desenvolvidas polas institucións científicas galegas e que “anticipará unha infraestrutura de divulgación” a todas as iniciativas relacionadas co Campus de Excelencia Internacional da Universidade de Vigo. “Cando comezamos a traballar sobre a candidatura do Campus do Mar xurdiu a idea de crear un espazo no propio museo onde tiveran cabida os traballos de campo da universidade, do CSIC ou de calquera institución ligada. É un camiño a longo prazo”, explica Pablo Carrera, director do Museo do Mar, que presentou hoxe a nova programación desta institución para o ano 2011.
O gabinete científico vaise a estrear coa ordenación dos fondos sobre especies ictiolóxicas en Terranova, Galicia e Liberia do Instituto de Investigacións Mariñas do CSIC, recollidas na campaña máis exhaustiva levada a cabo neste caladoiro, e coa posta en valor das coleccións de invertebrados del Hatton Bank, no Mar do Norte, un traballo que contribuíu enormemente á concienciación da comunidade científica mundial sobre a enorme biodiversidade desa área. A idea é facer este tipo de investigacións máis atractivas para o público, que “o espazo sexa renovado en función dos proxectos divulgativos que vaian xurdindo co Campus do Mar” e darlle “certo carácter estrutural” a todo o que se move ao seu redor. A programación tamén contará con obradoiros ligados directa ou indirectamente a proxectos de investigación.
A sala, ampla e situada no centro do Museo do Mar, será unha zona de acceso gratuíto para todos os visitantes, que poderán visitala independentemente de que despois queiran acceder á zona coa exposición permanente e de pago coas que conta o museo.