Fernando Suárez Golán

Licenciado en Historia e Doutor en Historia Moderna con mención internacional pola Universidade de Santiago de Compostela, en cuxo Departamento de Historia Medieval e Moderna foi investigador do Programa Nacional de Formación de Profesorado Universitario. Realizou estadías de investigación no Arquivo Apostólico Vaticano, na Sapienza - Università di Roma, na École des Hautes Études en Sciences Sociales de París e en El Colegio de Michoacán (México). Tamén foi profesor na Facultade de Humanidades (Campus Terra) da Universidade de Santiago de Compostela e na Facultade de Humanidades e Documentación (Campus de Ferrol) da Universidade da Coruña. Actualmente compaxina a docencia na Universidade de Vigo coa de profesor-titor no Centro Asociado da UNED en Pontevedra. A súa liña de investigación evolucionou dende a historia da educación e da rede escolar en Galicia cara a historia social e cultural do alto clero galego e a historia das formas rituais na época moderna, para centrarse actualmente nas cuestións relacionadas coa imaxe, os modos de vida, as familias e as dimensións do poder dos arcebispos de Santiago dos séculos XVI ao XIX.