O Ciclo de Literatura Infantil e Xuvenil, que acolle a Facultade de Educación e Traballo Social do campus de Ourense, péchase cunha conferencia do ilustrador Federico Fernández titulada Tecnoloxía arcaica. Con esta sesión remata unha iniciativa, dirixida pola profesora Isabel Mociño, na que ao longo de catro sesións, futuras mestras e mestres tiveron a oportunidade de dialogar con creadoras e creadores sobre a súa obra, centrándose nesta ocasión en como nelas se plasma o compromiso por acadar un mundo mellor.