Convocatoria de dúas bolsas na Área de Estudos e Investigación da Axencia de Turismo de Galicia para 2023 a 2025

A Axencia Turismo de Galicia convoca dúas bolsas de formación práctica na Área de Estudos e Investigación:

• Unha bolsa relacionada co ámbito da ciencia de datos.
• Unha bolsa relacionada co ámbito da comunicación de datos turísticos.

Para a concesión das bolsas, en réxime de concorrencia competitiva, debese superar unha proba de coñecementos prácticos. As probas versarán sobre as seguintes materias:

Bolsa relacionada co ámbito da ciencia de datos:

• Tema 1. R e RStudio: Manexo, tratamento, análise e visualización de datos. Xeración de informes.
• Tema 2. Estatística: inferencia, mostreo e análise multivariante.
• Tema 3. SQL: análise de datos e xestión de bases de datos.
• Tema 4. Power BI: programación e elaboración de cadros de mando.
• Tema 5. Outras técnicas de interese: sistemas de información xeográfica (SIX) e follas de cálculo.

Bolsa relacionada co ámbito da comunicación de datos turísticos:

• Tema 1. Visualización gráfica de datos e infografías.
• Tema 2. Marco conceptual da análise turística.
• Tema 3. Estatística descritiva.
• Tema 4. Folla de cálculo.
• Tema 5. Power BI: análise de datos e elaboración de informes.

Requisitos

• Posuír unha titulación superior obtida a partir do 1 de xaneiro de 2018. Non se terá en conta a data da titulación a persoas desempregadas de longa duración que leven inscritas de xeito ininterrompido como demandantes de emprego durante 12 meses ou máis.
• Acreditar un nivel Celga 4 en lingua galega, perfeccionamento ou título equivalente.
• Características das bolsas: 
• As bolsas desenvolveranse ao longo dos anos 2023, 2024 e 2025 cunha duración máxima de 24 meses contados a partir da data de incorporación das persoas bolseiras.
• As prácticas tuteladas destas bolsas desenvolveranse na sede da área, nas oficinas da Axencia Turismo de Galicia, en Santiago de Compostela.

Información e solicitudes

As solicitudes presentaranse na sede electrónica da Xunta de Galicia co formulario TU981C.
Prazo de presentación de solicitudes ata o 7 de marzo de 2023.
Máis información aquí.