Unha persoa sosten un móbil. Na pantalla vese que é a web da universidade de Vigo

Servizos informáticos

Na Área de Tecnoloxías da Información e Comunicacións encargámonos de xestionar e administrar todas as aplicacións corporativas da Universidade de Vigo, así como de configurar e administrar todas as infraestruturas e servizos informáticos relacionados coa rede de comunicacións, telefonía, atención ás persoas usuarias, webs e sistemas, cubrindo as necesidades de apoio informático ás tarefas de estudo, docencia, investigación e xestión.

É unha área transversal a toda a institución e os nosos servizos son utilizados a diario por toda a comunidade universitaria. Detrás destes servizos hai un equipo humano que está implicado e motivado na procura dunha mellora constante.
 

Imaxe dunha sala con ordenadores
 


Guías de uso

A ATIC ofrece unha plataforma completamente orientada a guiar e explicar como acceder e utilizar as infraestructuras e os recursos informáticos que pon a disposición de toda a comunidade universitaria.

Accede ás guías

Soporte lóxico á túa disposición

Temos un servizo de xestión de licenzas de soporte lóxico e distintos contratos de licenza que poñemos á disposición da comunidade universitaria. Por favor, consulta e cumpre as condicións particulares de cada un deles.

Soporte lóxico


Soporte ás persoas usuarias

O SAUM (Servizo de Atención a Usuarios/as e Microcroinformática) é o punto de entrada das comunicacións dos usarios cos Servizos Informáticos.

As tarefas de soporte e atención a usuarios fanse por distintas canles: presencial, telefónica, correo electrónico, páxina web, servizos de descarga de arquivos, telemática.

A atención telefónica pode ser iniciada directamente polo usuario, a través dos teléfonos da seguinte táboa, na que tamén se atopan os enderezos electrónicos de contacto.

O horario de atención ao público pode verse reducido en períodos especiais como o de vacacións, pero en calquera outro caso é de 8.30 da mañá a 20.30 h da tarde, de luns a venres. Este horario de atención pode verse reducido nalgúns campus. Deseguido podes consultar toda a informacaión que precisas:
 

  • Vigo, central
    De 8.30 a 20.30 h, no teléfono +34 986 812 668
    saum@uvigo.gal
  • Vigo, ámbito tecnolóxico
    Escola de Enxeñaría de Telecomunicación
    De 9.00 a 15.00 h, no teléfono +34 986 812 248
    siteleco@uvigo.gal

    Escola de Enxeñaría Industrial
    De 9.00 a 15.00 h, no teléfono +34 986 811 939
    siatec@uvigo.gal
  • Vigo, ámbito científico
    De 8.30 a 14.30 h, no teléfono +34 986 818 663
    saum-ci@uvigo.gal
  • Vigo, ámbito jurídico-social y humanidades
    Comunicación de incidencias e peticións de soporte: soporte-xsh@uvigo.gal
    Outras cuestiones: saum-xsh@uvigo.gal
    +34 986 818 719 | 647 343 017
    Horario de atención: de 8.30 a 14.30 h
  • Ourense
    Edificio Administrativo
    De 8.30 a 20.30 h, no teléfono +34 988 387 045
    saum-ou@uvigo.gal
  • Pontevedra
    Facultade de Ciencias Sociais e da Comunicación
    De 8.30 a 14.30 h, no teléfono +34 986 802 030
    saum-po@uvigo.gal