Voluntarias eliminando especies vexetais invasoras

Voluntariado e cooperación

Atendendo ás inquedanzas dos membros da nosa comunidade universitaria, temos un programa de voluntariado que depende da Vicerreitoría de Responsabilidade Social, Igualdade e Cooperación e está organizado polo Servizo de Xestión da Extensión Universitaria.

Temos en conta todos os ámbitos de actuación nos que podes actuar como entidade colaboradora ou persoa voluntaria: apoio a estudantes ou persoas con necesidades especiais, infancia, xuventude, maiores, muller, minorías, cultura, saúde, consumo, educacion, novas tecnoloxías, deporte, medio ambiente, ocio e tempo libre, cooperación internacional...

  • Promover a integración do alumnado propio na realidade social e universitaria como parte fundamental da súa formación integral e complemento necesario dos seus coñecementos académicos.
  • Fomentar a participación dos membros da comunidade universitaria en actividades voluntarias, que desexe encarreirar as súas inquedanzas sociais, cooperativas e solidarias.
  • Difundir entre a comunidade universitaria información sobre as actividades de carácter social desenvoltas por ONG, institucións e fundacións, en especial as que desenvolven a súa actividade nas localidades nas que se atopan os campus da Universidade de Vigo.
  • Propiciar e colaborar no desenvolvemento de estudios e traballos sobre temas relacionados co voluntariado e coa problemática social do entorno.

Para participar como voluntariado tan só é necesario:

  • Pertencer á comunidade universitaria (alumnado, PAS, PDI).
  • Querer colaborar nalgún proxecto de voluntariado.
  • Dispor de tempo libre para dedicarlle ao proxecto no que te comprometas.

 

Razóns para facerte voluntario ou voluntaria:

  • Medrarás como persoa.
  • Debuxarás sorrisos ateigados de agradecemento.
  • Serás protagonista e axente do cambio para mellorar o mundo.
  • Adquirirás experiencia persoal que che abrirá portas no futuro.

 

A túa recompensa:

  • O teu corazón medrará un 200%.
  • Serás diferente das demais persoas con identidades e personalidade propia.
  • Fortalecerás a túa autoestima.
  • Recibirás créditos por compartir horas do teu tempo. Podes validar 30 horas de voluntariado por 1 crédito ECTS.

Normativa

Regulamento de voluntariado da UVigo9.47 MB Lei de acción voluntaria. Xunta de Galicia716.44 KB Lei estatal de voluntariado329.45 KB

Para máis información, podes contactar con:

Campus de Vigo   
Sección de Extensión Universitaria
+34 986 813 626
extension@uvigo.es

Campus de Ourense
Área de Servizos á Comunidade                 
+34 988 387 102
+34 988 387 089
asc-ou@uvigo.es

Campus de Pontevedra
Área de Servizos á Comunidade               
+34 986 801 949
+34 986 801 955
asc-po@uvigo.es